Cond zij allen lieden dat eene scheydinge ende deylinge/ geschiet en(de) gemaect zijnde tusschen willem(me) henr(icke)/ ende jouffr(ouwe) elsen van daelhem met eene(n) gelev(er)den mo(m)boir/ kinde(re)n willems wilen van daelhem die hij hadde van/ jouffr(ouwe) elsen pynnoc sijne(n) wive docht(er) amelr(icx) wijlen/ pynnoc yerst uute(n) broode der selver jouffr(ouw)[en] elsen de/ moeder behoerlijc gedaen en(de) hubrecht van daelhem brued(er)/ der voirs(creven) bruede(re)n ende suster onder zijn ja(r)en zijnde dien/ zij gelooft hebben tot des(en) te vervaen(e) met wille co(n)sente/ en(de) bijzijne d(er) voirs(creven) jouffr(ouwe) elsen de moeder hee(re)n jans/ uuter lyemi(n)gen ridders maech van des vaders zijden en(de)/ henr(icx) pynnoc brueders der voirs(creven) jouffr(ouwe) elsen der moeder/ ende oic jans ouderogghe borg(er)meesters Affirme(re)nde/ dat dese deylinghe is geschiet deughdelijc ten meesten/ vordeele der voirs(creven) kinde(re)n bruede(re)n en(de) suster vanden/ goeden chisen pachten ende rinten die hen gevallen/ ende gebleve(n) zijn nae en(de) vand(er) doot des voirs(creven) wilen/ willems huers vaders te deylen(e)/ Soe zijn bleve(n) ende gevallen den voirs(creven) willem(me) in zijnre/ deylingen des hier nae begrepen is inden yersten thoff/ te daelhem met zijne(n) graven vive(re)n dyken bogarden/ ende ande(re)n toebehoirten gelegen s(in)[t] pet(er)s vissenake/ tusschen de velpe ende tgemeyn bruecxken It(em) een/ stuck lants geheeten tdalemvelt houden(de) omtrint vie(r)/ boende(re)n gelegen voir tvoirs(creven) hoff dairmen over gheet/ te weve(re) weert tusschen de strate gaende van thiene(n)/ te meenssele weert ende een straetken geheete(n) nyeustraetke(n)/ It(em) een stuck lants geheeten strijkerlant velt houdende/ omtrint sesse boende(re)n gelegen over de voirs(creven) strate tusschen/ den goeden sgasth(uys) van diest ende de strijkerstrate It(em)
//
een stuck lants houden(de) omtrint sesse boende(re)n gelegen/ opt velt geheeten de donck tusschen de broecstrate op/ deen zijde de goede sgoidshuys van tongerloe op dande(re)/ de goede sgoidshuys van lyntre op de derde en(de) de goede/ henricx van butschore op de vierde zijden It(em) een/ stuck lants geheeten den meensselhoff gelegen voe(r)/ thoff voirs(creven) houden(de) drie dachmalen tusschen de voirs(creven)/ strate ende den goeden oft beempt des voirs(creven) willems/ It(em) vijf dach(malen) lants geheeten sollevelt gelegen te wevere/ achter thoff mathijs de raymake(re) des costers tusschen den/ goeden meester gielijs van raetshove(n) ende den goeden/ der hee(re)n van s(in)[t] denijs van luydic It(em) drie dachmalen/ lants gelegen ald(air) tusschen de seven dach(malen) lants/ der voirs(creven) jouffr(ouwe) elzen in deylingen gevallen ende den/ goeden der erfgename(n) jans wilen meester gorts It(em)/ een stuck beemps geheeten den meensselhoff houdende/ omtrint tusschen vijf ende sesse dach(malen) gelijc hij gelege(n)/ is tusschen de voirs(creven) velpe ende de voirs(creven) strate gaende/ van thienen te meenssele weert It(em) eene(n) beempt/ geheete(n) den valvekensbeemt houden(de) omtrint een/ boend(er) gelijc dat hij gelegen is neve(n) den beempt voirs(creven)/ tusschen de velpe ende de strate ende den coebeempt/ den voirs(creven) henr(icke) in deylingen gevallen It(em) eene(n) bogaert/ metten rotbeemde gelijc dat zij gelegen zijn binne(n)?/ tusschen de(n) goeden des voirs(creven) willems in allen zijden/ It(em) de helicht vand(er) moelen te daelhem d(air) af (dat)? d(er)/ helicht den voirs(creven) hubrecht in deylinge(n) gevallen is/ It(em) de helicht vand(er) ca(m)men oft panhuyse metten/ vive(r) gelegen tot aetrode tusschen de goede der/ cap(it)len van thiene(n) ende den driesch dair voe(r) gelege(n)/ dair af dander helicht den voirs(creven) hubr(echt) in deylingen/ gevallen is It(em) de heerlich(eit) metten chijse van m(ijn)
//
gened(igen) hee(re) den hertoge te leene gehouden ende den voirs(creven)/ hove toebehoe(re)nde gelijc vader ende moeder der voirs(creven)/ kinde(re)n die beseten hebben Item noch een boender bosch/ int vleucot gelegen tusschen den goeden des goidshuys/ van tongerloe in beyden zijden Opden co(m)me(r) ende/ last d(air) voe(r) uutgaen(de) ten behoirliken tide te betalen/ ende voirtane op vijfentwintich peters te achtien/ stuv(er)s tstuc vanden hondert peters die de voirs(creven) jouffr(ouwe)/ else de moeder voir hue(r) duwarie heeft ende houden(de)/ is op de geheel goede der voirs(creven) kinde(re)n vallende/ half s(in)t jacopsmisse en(de) half te lichtmesse Ende/ oic op derthien ryns guld(en) oft derthien mudd(en) cor(ens)/ d(er) maten van [thien(en)] dair af de voirs(creven) willem den coese/ heeft die de voirs(creven) hubrecht dair op jairlijcx ende/ erflijc hebben ende behouden sal vallen(de) alle ja(r)e/ s(in)t andriesmesse ap(oste)ls te betalen ende te thienen te/ leve(re)n stande ter quitingen elcken pe(n)ning oft/ mudd(e) cor(ens) d(air) af met achtien geliken pe(n)ningen/ac cu(m) ende die quitinge te geschieden(e) mett(er) helicht/ te male ende met vollen rinten Hanc quoq(ue)/ et sat(isfacere) cor(am) langr(ode) vos ap(ri)lis xi