Vanden gedinge dat geweest es voir meye(r) en(de) scepen(en) van/ loeven(e) tusschen ghijsbrechte vand(er) rijt aenlegge(r) in deen zijde/ en(de) janne pauwels geheete(n) h(er)mans woenen(de) te steynhockesele/ ter ande(re) aldair de vors(creven) ghijsbrecht opdede opd hoe dat de/ vors(creven) jan pauwels met seke(re)n sijne(n) medeborgen bekint hadde/ sculdich te sijne maghtelde(n) van laethem en(de) willem(me) lantshe(re)/uut hue(re)n wettig(en) sone dien zij hadde van roelofve landshe(re)/ eene(n) guld(en) leeu der mu(n)ten ons gened(ichs) he(re)n ts(er)togen lijfpen(sien)/ tot hue(re)r beid(er) live en(de) tes lancsteleven(de) live van hen beide(n)/ vallen(de) jairlix den xvii dach van febr(uarii) zoe dat bleec/ bij seke(re)n scepen(en) brieve(n) van loven(e) vand(er) daet xiiii[c] lxvi/ febr(uarii) xvii die dair Welken brief de vors(creven) roelof landshe(re)/ als man en(de) mo(m)boir zijns wijfs vors(creven) en(de) uut crachte van/ zijne(n) heffen dat hij dair inne hadde behoude(n) [te(n) selve(n) recht] overgeg(even)/ hadde voir scepen(en) van loven(e) ap(ri)lis xxv a(nn)[o] lxxiiii meest(er)/ janne calaber tot behoif mathijs blicmans Welk mathijs/ dien voirt oic te(n) selve(n) rech voer scepen(en) van loven(e) over/ gaf a(nn)[o] lxxiiii octobr(is) xxx den vors(creven) ghijsbrechte om/ d(air) mede te v(er)volge(n) opde(n) vors(creven) janne pauwels en(de) sijn/ goide tvierdel der selver lijfpen(sien) en(de) xxxiiii st(uvers) van coste(n)/ d(air) op gedaen Seggen(de) de selve ghijsbrecht dat de vorscr(even)/ jan pauwels hem die sculdich wa(r)e opte legge(n) ende te/ betalen na inhoud zijnre brieve oft dair voe(r) in hachte(n)/ te blive(n) p(rese)nte(re)nde op dats behoifde sijn vors(creven) scult te v(er)ifice(re)n/ Op dwelc de vors(cerven) jan pauwels hem v(er)antweerd(ende) dede/ seggen genoech kinnen(de) dinhout vand(er) vors(creven) brieve mair/ p(rese)nteerde voir alle vo(n)niss(en) alsoe vele den vors(creven) ghijsbrechte/ te willen doen dat hem jairlix [d(air) voe(r)] volge(n) souden twee mudde(n)
//
corens die sijn sweg(er) hadde jairlix op seke(re) goede te meltbroec/ geleg(en) e(m)mers tot d(er)re tijt toe dat hij van sijne(n) vors(creven) eyssce/ en(de) gebreck soude sijn voldaen hoopen(de) dair mede te gestaen/ Es gewijst na aensprake en(de) v(er)antweerde(n) van beide(n) p(ar)tien/ bide(n) scepen(en) van loven(e) ter maniss(en) smeyers dat de vors(creven) jan/ pauwels gehouden sal sijn dinhoud vand(er) vors(creven) scepen(en)/ brieve te voldoene cor(am) scabinis in scampno febr(uarii) xxiii