Want henric haes geheeten weyns en(de) willem van ophem geheeten/ meesterjans die als p(ro)cur(eur)s marien helscheviers voir wettich gebrec/ van een(en) mudde rogs lijfpen(sien) tot hue(re)n live nae deser stat recht come(n)/ en(de) geleit sijn tot allen den goeden have en(de) erve gielijs wijlen/ van overwynghe wair die geleg(en) zijn oft bevonden mochten wordde(n)/ hen metter stat brieven gescrev(en) aenden meye(r) van libbeke hadden doen/ leve(re)n alle de selve goede en(de) dach van rechte doen bescheiden/ arnde vissenake op heden dienen(de) tot welken daige de selve arnd/ niet ge(com)pareert en es den vors(creven) geleidden trecht versueken(de) Soe/ hebben de scepen(en) van loeven(en) ter maniss(en) smeyers nae dat hen behoirlic/ gebleken heeft vand(en) bij resc(ri)pte vand(en) officier dexploit en(de) de conde/ vors(creven) gesciet te sijne gewesen voir een vo(n)nisse datmen de voirs(creven)/ geleidde vand(en) voirs(creven) goede(n) houde(n) soude inde macht van hue(re)n/ vors(creven) beleide soe v(er)re dat noch voir scepen(en) comen es P(rese)ntib(us)/ scabinis in scampno junii ulti(m)a