Uut dien dat g(er)truyd weduwe jans wijlen van maelcote die nae/ der stat recht van loven(en) geleit es ap(ri)lis xxii lestled(en) voir de/ bewijssenisse en(de) pacht van vive rijd(ers) erflic te quite(n) elk(en)/ met xviii[en] tot allen den goede(n) have en(de) erve henricx/ g(er)mans jaspars wijlen absoloens jans wijlen van winxele en(de)/ he(re)n jans van ranshem ridders op in donderdaige lestleden
//
met eenen vorste(r) van deser stat hadde doen dachdoen gielise/ vander balct en(de) joh(ann)ese die knape was jans wijlen van/ winxele op dat zij hen recht hadden willen v(er)mete(n) tot/ e(n)nig(en) goeden have en(de) erve achter de weduwe des voirs(creven)/ wijlen jans wijlen van winxele gebleve(n) die onlanx gestorve(n)/ es Dair aen de voirs(creven) weduwe van maelcote hue(r) van hue(re)n/ vors(creven) scepen(en) brieve(n) v(er)richte(n) woude en(de) die sij met eede p(rese)nteerde/ te affirme(re)n dat zij dan tegen de selve weduwe van male/ maelcote oft hue(r) p(ro)cur(eur)s in rechte wae(re)n comen gelijc de/ selve vorste(r) dat affirmeerde Ende zij ten selven daige niet/ niet en quame(n) eysscen(de) d(air) o(m)me de selve p(ar)tien ge(con)tumacieert/ te hebben ende voirt te vare(n) op een huys en(de) hof geleg(en)/ inde mynderbruederstrate en(de) oic op seke(re) pe(n)ninge opde(n) wissel/ staen(de) gecomen van zeke(re)r haven der vors(creven) wijle(n) weduwen/ Soe hebben de scepen(en) van loven(en) ter maniss(en) smeyers gewijst/ voer een vo(n)nisse datmen dern voirscr(even) geleidden vand(en) vorscr(even)/ goeden houde(n) soude inde macht vand(en) van hue(re)n voirscr(even)/ beleide soe verre dat noch voir scepen(en) comen es P(rese)ntib(us)/ scabinis in scampno julii ix