Vanden stoote questien en(de) gescillen opverstaen tusscen mycharde le/ magen vleeschouwe(r) van ha(n)nut ter eender sijde(n) en(de) ja(n)ne de/ vineamont van ha(n)nut ter ande(re) om seke(re) injurien van woirde(n)/ oft wercke(n) meshandeling(en) oft and(er)s dair af e(n)nige der voirs(creven)/ p(ar)tien ter ande(re) eysscen(de) mach zijn totten daige toe van heden in/ e(n)nig(er) manie(re)n hebben hen de selve p(ar)tien gesubmitteert van dien/ en(de) des dair aen cleeft te weten de vors(creven) mychart in reyne(re)n/ vand(en) pinte en(de) de vors(creven) jan in collarde de ronchin hoofmeester/ van chanterain in sulker vueg(en) dat elcke der selver die p(ar)tien/ zijnen eysch in gescrifte beide vand(en) p(ri)ncipalen en(de) coste(n) inder/ saken voir de banc van ha(n)nut gebuert sijn overgeve(n) sal ende/ elc sijn v(er)antweerd(en) op sand(er)s eysch en(de) de segge(re)n informacie/ ofts behoift inder saken neme(n) ende huer uutsprake dair af doen/ oft zijs eens zijn al binne(n) xiiii nachte(n) naistcomen(de) en(de) wes de/ scepen(en) van ha(n)nut over certifice(re)n sele(n) den vors(creven) arbiters van den/ getuygenisse dat inder saken voir hen getuycht sal wesen dat sal/ h(ier)inne stat gripen ende van weerden gehouden wesen ende ofts/ p(ar)tien segge(re)n niet en conste(n) v(er)accorde(re)n in dien gevalle soude(n) zij/ gerarde van baussele secretar(is) tot eene(n) overman kyesen die zijn/ uutsprake d(air)af doen soude binne(n) viii daig(en) d(air)na p(ro)mitt(entes) rat(um)/ lyemi(n)g(en) vos febr(uarii) xxiii