It(em) gielijs van hoelair sadelmake(r) en(de) katlijne zijn wijf in p(rese)ncia/ hebben gekint ende ghelijdt dat zij in erfpachte genome(n)/ hebben van he(re)n ph(ilips)e van schoenhove(n) he(re) te wae(n)rode ridde(r)/ ende de selve h(er) ph(ilip)s heeft gekint en(de) gelijdt hen in/ erfpachte gegeve(n) te hebben vier porcele(n) va(n) goede h(ier)nae/ genoempt te weten(e) een half boende(r) en(de) xxxiii roeden/ lants gelege(n) inde prochie va(n) veertrijcke ter plaetsen/ geheete(n) opt dorneken tussche(n) den goede(n) d(er) voirscreven(e)/ gehuyssche(n) in deen zijde en(de) de h(er)strate op dande(re) It(em)/(½) boender en(de) xliii roede(n) lants gelege(n) ald(air) tussche(n) den/ goede(n) d(er) voirscr(even) gehuyssche(n) in beyde(n) zijde(n) It(em) vi dach(male)/ en(de) xliii roeden lants gelege(n) ald(air) inde delle tusschen/ den goede(n) d(er) voirscr(even) gehuyssche(n) en(de) een eeussel toebeh(orende)/ de(n) groote(n) heyligengheest va(n) loven(e) It(em) noch vii dach(male)/ lants gelege(n) tussche(n) thof te wet(er)beke en(de) thof der/ voirscr(even) gehuysschen ende de h(er)strate voirscr(even) maken(de)/ tsame(n) de voirscr(even) goede xviii dach(male) en(de) xx roede(n) jairlix/ voir en(de) om thien mudde(n) rox goet en(de) payabel d(er) mate(n)/ va(n) loven(e) cu(m) vanno jairlijx sint andr(ies)misse te betale(n) en(de)/ te loven(e) te leve(re)n de(n) voirscr(even) he(re)n ph(ilips)e dair hij dat/ bege(re)n sal en(de) zijne(n) erfg(enamen) dyerste betalinge ingaen(de) sinte/ andr(ies)misse naestcomen(de) van welke(n) goede(n) de voirs(creven) h(er)/ ph(ilip)s den voirs(creven) gehuysschen acht(er) den tijt van sint andr(ies)/ misse naestcomen(de) ov(er) twee jair goede loffelike guedi(n)ge/ doen sal voe(r) he(re) ende hoff d(air)af men de voirs(creven) goede/ houden(de) es Ende d(air) sal de selve h(er) ph(ilip)s de(n) selve(n) gehuyssce(n)/ de voirs(creven) goede war(anderen) op x d(enieren) he(re)n chijs zond(er) meer co(m)mers/ Ende dair sulle(n) de voirscr(even) gehuyssche(n) drage(n) alle(n) co(m)mer/ en(de) last van pontpe(n)ni(n)gen en(de) huer(er) gueding(en) en(de) h(er) ph(ilip)s/ sal alleene betale(n) alsdan zijn br(ieven) met condicie(n) nochta(n)/ dat de voirscr(even) h(er) ph(ilip)s niet gehoude(n) en sal zij(n) de gued(ingen)/ den voirs(creven) gehuyssche(n) te doene al wa(r)e de(n) voirs(creven) t(er)mij(n)/
//
overlede(n) voe(r) d(er)re tijt dat zij hem de voirscr(even) thien mudde/ rox afgelost sulle(n) hebbe(n) elc mudde met xviii rijd(er)s te/ xxv st(uvers) tstuck iii pl(a)c(ken) voe(r) den st(uver) en(de) met volle(n) pachte/ oft dat zij den selve(n) h(er) ph(ilip)s alsdan voe(r) den voirs(creven) erfpacht/ sulle(n) moete(n) sette(n) goede zeke(re) ond(er)pande wel weert/ zijnde bove(n) last en(de) co(m)mer vier mudden rox d(er) maten/ van loven(e) erflijck ende alle dese vorweerde(n) roelofs b(er)ge/ junii vii