SAL7368, Akte: V°65.2 (128 van 732)
Zoek akte
Vorige | Volgende
Akte V°65.2  
Act
Datum: 1474-09-09

Transcriptie

2018-12-26 door Mi-Je Van Gils
It(em) katheline bloemarts dochte(r) wijlen wout(er)s dier en(de) oic magriete(n)/
baten hue(re)r suster bij marien wijlen coppens hue(re)r beider moeder/
gelaten en(de) gemaict sijn alle en(de) yegewelke der selver wijlen/
marien goede have en(de) erve bove(n) hue(r) wettige schout ende/
kercken recht bliven(de) hoedegelijc te deylen gelijc testam(en)t der selver/
wijlen marien bij thomase henrix no(ta)r(is) en(de) den getuyge(n) dair over/
geroepen en(de) gebeden gemaict opte(n) vii dach van merte int jair/
xiiii[c] lxx inder derder indictien en(de) pausdom ons alre heylichste(n)/
vaders in gode paulus de tweeste paus van dien name in sijne(n)/
vi jae(re) dat volcomelic inhoud en(de) begrijpt Heeft gelooft dat zij/
dinhoud vanden selve(n) testam(en)te nae alle hue(r) macht volvue(re)n en(de)/
volbring(en) sal en(de) dair tegen ne(m)mermeer age(re)n noch wercken doen/
noch laten age(re)n noch wercken in gheenen rechte gheestelijc noch/
weerlijc bij huer selve(n) noch bij nueman(de) and(er)s in gheenre/
manie(re)n Geloven(de) dair af den wettigen kinde(re)n jans vander/
hofstat die hij heeft oft hebben mocht vand(er) voirs(creven) magrieten/
hue(re)r suster bijder gr(aci)en gods semp(er) satisface(re) si quid min[(us)]/
sufficient(er) p(ro)ut cor(am) langrode heykens septembr(is) ix
Nagekeken doorJos Jonckheer
ModeratorJos Jonckheer
Laatste update:: 2016-09-13 door Jos Jonckheer