Item alle de voirs(creven) p(er)sonen te weten(e) de voirs(creven) weduwe/ ende jouffr(ouwe) marie elcke met eenen mo(m)boer hebben/ als naeste leven(de) ende rechte erfgename(n) vrouwe katlijne(n)/ wilen voirs(creven) opgedragen met rechter verthidenissen die/ erfrinte van thien guld(en) pe(n)ningen geheeten cronen/ der mu(n)ten sconincx van vrancrijke van goude goet ende/ ghinge te weten(e) vierentwintich stuv(er)s mu(n)ten ons gened(ichs)/ hee(re)n shertoge(n) voe(r) den yersten dach van junio int jaer ons/ hee(re)n xiiii[c] tweentseventich in brabant gemunt voe(r)/ elcke der voirs(creven) cronen gerekent staen(de) ter quitinge(n) elcke(n)/ pe(n)ning met sestien d(enier) ende met vollen rinten die de/ voirs(creven) wile(n) vrouwe katlijne opden dach voirs(creven) cochte/ ende gecreech aen ende op de borg(er)meeste(re)n scepenen/ gesworen(en) raet guldeken(en) rintmeest(er)s goede liede vand(en)/ geslechte(n) gesworen(en) vand(en) ambachte(n) ende alle ande(re) ingeseten(en)/ der stad van loeven(e) gelijc alst blijct inden brieven gemunieert/ metter stad segel van loeven(e) ten saken hier op gemaect/ dair aen desen gea(n)nexeert is ende als de voirs(creven)/ p(er)sonen in behoirliker manie(re)n hier af wa(r)en onutent?/ ende te male afgewijst gheen recht meer dair inne/ behouden(de) Soe werden dair inne gegoet ende gheerft/ her reyne(re) vander elst prieste(r) prochiaen der kercken van
//
sint jacops op de biest ende gerard(e) van baussele secretar(is)/ der stad van loeven(e) twee vand(en) executeurs vand(en) testame(n)te/ der voirs(creven) wilen vrouwe katlijnen inden name tot orbore/ ende om bekeert te werden als hier nae volgt te weten(e)/ eene crone d(air) af opden dach vander voirs(creven) wilen vrouwe/ katlijne(n) jaergetide dwelc was twintich dage in/ julio gedistribueert te werden den ghenen vander kercken/ van sint jacops op de biest die dair jegewoirdich zijn/ selen inder vigilien ende messen nae begrijp vander ordinan(cien)/ gemaect tusschen tcapittel ende den p(ro)chiaen vand(er) voirs(creven)/ kercken van sint jacops Item een half crone d(air)af erflijc/ op den dach vanden selven jaergetide diemen distribue(re)n sal/ den hee(re)n vander cap(it)len hue(re)n capellanen vicarisen den/ p(ro)chiaen ouden capellane(n) ende den coste(r) vander voirs(creven)/ kercken soe verre zij op dien dach messe doen ende voe(r)/ de siele der selver vrouwe katlijnen bidden Item een/ half crone dair af diemen distribue(re)n sal als voe(r) den voirs(creven)/ hee(re)n opden dach vand(en) jaergetide hee(re)n wouters wilen van/ quaderebbe vaders der voirs(creven) wilen vrouwe katlijne(n) soe verre zij/ op dien dach messe doen ende voe(r) de siele desselfs hee(re)n/ wouters bidden Item vijf crone(n) dair af jaerlijcx te/ distribue(re)n tot behoeff van vijf singen(de) messen die inder/ voirs(creven) kercken van sint jacops bijden prochiaen der selver/ kercken ten tide zijnde oft zijnen substituyt met dyacone/ ende subdyacone met sesse oft acht sanghers ende vie(r)/ oft sesse koraelkinde(re)n tot seke(re)n dagen oft hoogetiden/ gedaen selen werden It(em) eene crone tot behoef en(de) orboe(re)/ van ons(er) liever vrouwen love inder voirs(creven) kercken voe(r) twee/ sangers die de prochiaen vander voirs(creven) kercken dair toe/ ordine(re)n sal Item eene crone tot behoef ende orboe(re) vand(en)
//
drie huysen gemaect ende geordineert bijder voirs(creven) wile(n)/ vrouwe katlijne(n) [in hue(re)n testame(n)te] tot behoef van drie armen lieden/ gelegen inde heyligegheeststrate om die dair mede/ te houden in state ende rep(ar)acien al in formen en(de)/ nae inhouden vanden voirs(creven) testame(n)te ende uutersten/ wille der voirs(creven) wilen vrouwe katlijnen Ende de/ x[te] crone(n) erflijc voirs(creven) is bijden voirs(creven) erfgename(n) mede/ gegoet om dat die inden orbe(re)n voirs(creven) bekeert soude/ werden ende sal elc vanden ghenen die vanden/ nege(n) cronen erflijc versien is nae den onderscheide/ voirs(creven) dair af noch trecken ende hebben sijn deel nae/ advenant dwelc de voirs(creven) erfgenamen hebben gedaen/ overmits dat dese thien crone(n) staen te quiten(e) den d(enier)/ met xvi d(enieren) ende de ghene diemen hier voe(r) bewijst soude/ hebben met lichtelijc min dan den d(enier) xviii te crigen/ en souden hebben geweest met condicien hier inne/ bevorweert namaels als de voirs(creven) rinten vander stad/ afgeleecht mochten werden datmen dan de penni(n)ge/ vander quitinge(n) sal stellen inder stad wissel ende weder/ aenleggen ende dair mede rinten coopen e(m)mer ten/ minsten nege(n) cronen erflijc tot den orboe(re)n als voe(r)/ ende oft dair mede meer dn nege(n) cronen erflijc/ gecocht werden sal tsurplus werden gestelt ende gedeylt/ inden gebruken voirs(creven) nae advenant dat elc deylt inde/ nege(n) crone(n) voirs(creven) cor(am) eisd(em)