Cond zij allen lieden dat jan de bavengnies sone wilen jans/ in p(rese)ncia heeft genomen ende bekint dat hij genome(n) heeft/ jegen laureys van wynge sijn hoff en(de) zijn lande gelege(n)/ te p(er)wez en le val devant le tilhou gelijc alart wilen/ van lymborch die goede aldair te houden plach Te houde(n)/ te hebben en(de) te wynnen vanden vijfsten daghe va(n) julio/ lestleden eene(n) termijn van xii jaren lang deen na/ dander sonder middel volgende Elx jaers darenbinne(n)/ om en(de) voe(r) acht dozijne(n) corens goet en(de) payabel d(er) mate(n)/ van p(er)wez met wanne en(de) met vede(re)n wel bereyt voir/ elc boende(r) soe v(er)re als de mate strect tsinte andriesmisse/ apostels te betalen en(de) te p(er)wez te leve(re)n quol(ibet) ass(ecutu)[m]/ en(de) also met xii paym(en)te te gestane dyerste dair af/ inne te gane tsinte andriesmisse lestlede(n) En(de) de voirs(creven)/ wynne sal op de manie(re) voirs(creven) hebbe(n) de huysinge van/ den voirs(creven) hove de bempde ende eeussele d(aer) toe behoiren(de)/ sond(er) yet dair af te gheven(e) Mair hij sal alle jare leve(re)n/ int voirs(creven) hoff iiii[c] walme(re) op om die te v(er)decken(e) op de/ voirs(creven) huysinge te(n) meeste(n) p(ro)ffite en(de) alsmen die aldair ver/ dect oft plect soe sal de wynne den wercliede(n) den/ montcost gheven en(de) laur(eys) sal de dachue(re)n betalen/ en(de) tot alle(n) wercke ald(air) behoevende sal de voirs(creven) wy(n)ne de(n)/ leem levere(n) It(em) sal de wynne de huysinge vande(n) voirs(creven)/ hove zijne(n) t(er)mijn lang duerende houden wel en(de) loflijc vand(er)/ und(er)ster rijkelen nederw(er)t en(de) van vorste in goede(n) state/ en(de) die also late(n) tsijne(n) afscheyde(n) gelijc de voirs(creven) laur(eys)/ he(m) die alsnu sculdich is te leve(re)n It(em) sal de voirs(creven) wy(n)ne/ jaerlijcx alle tstroe vande(n) voirs(creven) goede(n) comen(de) met/ zijne(n) beeste(n) ette(n) te meste make(n) en(de) dat mest vuere(n)/ op de voirs(creven) lande tslants meeste(n) p(ro)ffite It(em) vant de/ voirs(creven) wynne thoff acht(er) de woeni(n)ge insdeels bevrucht/ met erweten en(de) veetsen en(de) insdeels met rape(n) en(de)/ de weye dair neve(n) geedt d(air) om sal hijt also late(n) tsijne(n)/ afsceyde(n) It(em) vant hij noch den bempt bij d(er) fonteyne/ bevrucht met garse en(de) die sal hij oec alsoe laten/ It(em) wa(n)t de wynne tsijne(n) innecome(n) bevant x(½) boend(er)
//
lants bevrucht met wynt(er)coren so is vorwerde wa(n)t die/ bij goede(n) ma(n)ne(n) hen des verstaende geestim(eer)t ende/ gescat op [ware(n)] elc boend(er) op iii(½) m(ud)[d(en)] corens mate(n) va(n) p(er)wez/ datme(n) tsijne(n) afsceyde(n) die wed(er)om visite(re)n en(de) scatte(n) sal/ bevintme(n) die alsdan bet(er) zijnde dat sal laur(eys) he(m) oprichte/ en(de) oft zij argh(er) ware(n) dat sal de voirs(creven) wy(n)ne op/ richte(n) en(de) al sond(er) argelist Insgelijcx sal gescien vande(n)/ som(er)coirne te(n) afsceyde(n) dair af elc boend(er) gescat was/ op ii(½) m(ud)[de] evene(n) It(em) vant noch omtrint x boend(er) brake/ met twee vore(n) en(de) ii w(er)f geeecht dwelc hij alsoe/ sculdich sal zijn te late(n) It(em) mach de wy(n)ne de drooeghe/ willege(n) uutrode(n) en(de) te hemw(er)t neme(n) bij alsoe dat hij/ voir elken sette(n) sal ii poten vande(n) aerde en(de) die wel/ verdoirne(n) It(em) hij sal de willege(n) en(de) popele(re)n omtrent/ de(n) goede(n) staende truncke(n) om de voirs(creven) goede d(air) mede/ te bevreden It(em) hij vant de bempde en(de) de hove omtrit/ de(n) voirs(creven) goeden bevreet wel en(de) loflijc en(de) die sal hij/ also late(n) tsijne(n) afsceyden It(em) mach de wynne va(n) drie/ jare(n) te drie jare(n) en(de) laureys van sesse jare(n) te sesse/ jare(n) va(n) malcande(re)n sceyden bij also dat de ghene die/ also sceyden wilt dat den andere(n) een half jaer te(n) vo(r)en/ cundige(n) sal It(em) sal de voirs(creven) wynne alle zijn have en(de)/ beesten v(er)binden en(de) v(er)oblige(re)n voir scepen(en) te p(er)weys/ in meerd(er) vestich(eit) en(de) v(er)sekernissen van des voirs(creven) steet/ en(de) dat he(r) ja(m)mar de bavengnies brued(er) des voirscr(even)/ wynne(n) hem voir een en(de) voir al voir wet aldair/ insgelijcx v(er)oblige(re)n en(de) verbijnden sal Et p(ri)mus En(de)/ alle dese vorwerde(n) en(de) (con)dicie(n) (et)c(etera) It(em) sal de voirs(creven) wy(n)ne/ alle de rinte(n) en(de) sculde(n) des voirs(creven) laur(eys) in heffe(n) ende/ boire(n) soe v(er)re hij die my(n)lyc gecrige(n) sal co(n)ne(n) ende die/ de [voirs(creven)] laur(eys) leve(re)n en(de) ov(er)geven sond(er) cost des voirs(creven) laur(eys)/ It(em) sal de voirs(creven) wynne alle de(n) chijs en(de) rente(n) uute(n)/ voirs(creven) goede(n) gaende de welke he(m) de voirs(creven) laur(eys) in/ gescrifte sal moete(n) gheve(n) betale(n) op afslach van/ des voirscr(even) steet alsoe in tijts dat de voirscr(even)/ laur(eys) d(air) bij gheen scade en gesciede It(em) alse vanden/ pachte ts(in)te and(riesmiss)[e] lestlede(n) gevalle(n) zijn p(ar)tie(n) ov(er)comen
//
dat de wynne voir elc mudde gheve(n) en(de) betale(n) sal de lande/ gemete(n) zijnde xxi stuv(er)s te iii pl(a)c(ken) tstucke deen helicht/ dair af tsintjans(mis)s[e] naestcomen(de) en(de) dand(er) helicht tons(er)/ lieve(r) vr(ouwen) daige nativitas q(uo)l(ibet) ass(ecutu)[m] cor(am) pynnoc reth(eman)/ febr(uarii) xx