It(em) rombout thijs van mechele(n) die als p(ro)cur(eur) marie(n) va(n) haecht/ weduwe jans wijlen pauwels nader stat recht alhier/ beclaecht hadde arnde meys den jonghe(n) voe(r) de so(m)me va(n)/ tsestich l(i)b(ra) gr(oot) vlemsch en(de) d(air)toe [de selve arnt] dach hadde ghenome(n)/ voir meye(r) en(de) scepen(en) hem te ontwerken(e) vander selv(er) clachte(n)/ op dat hij hadde gecome(n) des dond(er)daichs xix decembris d(air)nae en(de)/ lestlede(n) tot welke(n) daghe de voirscr(even) arnt niet geco(m)pareert/ en is en(de) mits dien soe heeft de voirs(creven) p(ro)cur(eur) v(er)socht met zij(n)der/ clachte(n) voirts te vare(n) nader stat recht P(rese)nte(re)nde de voirscr(even)/ zijn clachte en(de) dach neme(n) te ve(r)ifice(re)n tot den welke(n) hij/ met vo(n)nisse d(er) scepen(en) van loeven(en) gewese(n) was des sat(er)daichs/ vervolgen(de) Tot welke(n) daghe d(air)op gehoirt ware(n) marck crauwels/ vorste(r) gielijs vande(n) zande en(de) gielijs vand(er) stoct poirte(re)n die/ ghemaent bij hue(re)n eede claerde(n) de voirscr(even) clachte ende/ dach neme(n) alsoe geschiet te zijne en(de) want de voirs(creven) arnd voe(r) oege(n) niet/[en qua(m) noch] alnoch voir oghe(n) niet come(n) en is noch gecompareert Soe/ es de voirscr(even) p(ro)cur(eur) inde(n) name als voe(r) op hede(n) come(n) bijde(n)/ rade vander stad bege(re)nde en(de) v(er)sueken(de) dat hij met zijnd(er)/ clachte(n) mits dien dat de sake bij scepen(en) was gestelt/ inder stat hande(n) voirt mocht vare(n) en(de) dat hem in dien/ trecht vander stat werde onderhoude(n) want alnoch de/ voirs(creven) arnt noch nyema(n)t va(n) zijne(n) wege(n) voir oghen en qua(m)/ die mette(n) voirs(creven) romboute he(m) pijnde te ov(er)come(n) oft conste/

ov(er)come(n) [trecht te plege(n)] Soe heeft de voirs(creven) [selve] raet vander stat opde/ voirscr(even) beg(er)te geappointeert en(de) uuytgesproke(n) voe(r) recht/[nae der clachte(n) voirs(creven) en(de) dat de voirs(creven) arnt niet ge(com)p(ar)eert en is te sijne(n) dage noch de(n) naevolgen] soe v(er)re de voirs(creven) weduwe voir oghen quame ende/ ver(i)ficeerde en(de) v(er)claerde bij eede hue(r) dueglike scult/ dat zij dan nad(er) stat recht soude moege(n) voirtvare(n) voir/ tvoldoe(n) d(er) voirs(creven) clachte(n) [selv(er) huerder schult] op de(n) voirs(creven) arnde en(de) zijn goede/ soe dat [nae recht] behoirt D(air)toe de voirs(creven) p(ro)cur(eur) dach genome(n) heeft om/ de voirs(creven) wed(uwe) voir oge(n) te bringe(n) des yerste vrid(ach) nae de(n) heylige(n)/ kersdach naestcomen(de) act(um) in pleno (con)s(ilio) oct(obris) xxviii