De tenue(r) vand(er) cedullen bijder wed(uwe) ov(er)gegeve(n)/ Die goede ende rinten nae bescreve(n) beyde erflijc en(de) lijftocht/ gheeft over jouffr(ouw) katlijne van langrode weduwe jans/ wilen de witte in stad van bewijssenissen jouffr(ouwe) annen hue(re)r/ dochter met ja(n)ne van nethen(en) hue(re)n man voir alsulcke(n) viertich/ ryns guld(en) tstuc te twintich stuv(er)s erflijc ende twintich/ gelike guld(en) lijfrenten alse zij hen toegeseecht heeft acht(er)/ volgen(de) ende opte condicien begrepen int tractaet vand(en) huwelike/ tusschen den voirs(creven) janne en(de) zijnen wive due(re)nde de selve/ bewijssenisse der voirs(creven) jouffr(ouwe) katlijne(n) leefdage lang/ Behoudelijc nae hue(re)r doot die ingebracht te werden en(de)/ d(air)entinden jacoppe hue(re)n sone tegen zijnre sust(er) sijne(n) rechte/ van successien oft legate in dien en(de) ande(re)n goeden alsoeme(n)/ alsdan sal bevinden behoe(re)nde [vacat] ierst erflicheyt/ Item opt huys arnts van mechlen inde borchstrate sesse/ oude gr(ote) val(ent) vi stuv(er)s It(em) iiii ryns guld(en) en(de) iiii stuv(er)s/ erflijc op jouffr(ouwe) annen en(de) huers brueders gedeelten vand(er)/ aamolen gedragen(de) nutertijt bove(n) co(m)mer xviii mudd(en) rocx/ It(em) lxxiiii(½) stuv(er)s xvi s(cellingen) pay(ments) erflijc op seke(r) goede jans/ lesens inde borchstrate It(em) een eussel metten bloke lants/ boven den co(m)mer van vi cap(uynen) ii gansen en(de) xxi d(enieren) loeven(sch)/ d(air) uut gaen vi pet(er)s te xviii stuv(er)s tstuc ende/ xvi stuv(er)s It(em) troeseeussel boven den last van ii turnois(en)/ dair uutgaen(de) voir drie gul(den) te xx st(uvers) tstuc It(em) tvie(re)ndeel/ van xviii ryns guld(en) in goude val(ent) v r(yns) guld(en) te xx st(uvers)/ tstuc en(de) iii(½) stuv(er)s It(em) tvie(re)ndeel van xx ryns guld(en)/ te xx stuv(er)s tstuc val(ent) v ryns guld(en) It(em) op een huys/ inde pensstrate vi pont pay(ments) val(ent) v pl(a)c(ken) It(em) op andries/ moens huys xxviii l(i)b(ra) pay(ments) val(ent) vii stuv(er)s xiiii gr(ote) pay(ments)/ It(em) twee boende(re)n eygens lants te herent voe(r) vijf mudd(en)/ rocx val(ens) elc mudde te xxiiii stuv(er)s tsame(n) vi r(yns) guld(en)/ te xx stuv(er)s tstuc It(em) ii boende(re)n een dach(mael) en(de) xlii roeden
//
lants te rotselaer boven den co(m)mer van xiiii(½) d(enieren) loeven(sch)/(½) cap(uyn) ii(½) halste(re)n rocx ende i(½) halster ghersten voe(r) v mudd(en)/ rocx val(ent) als voe(r) vi ryns guld(en) so(mm)[a] xl guld(en)/ te xx stuv(er)s en(de) ii gr(ote) pay(ments) lijfrenten ierst/ op huygen van udekem ende sijn borgen vi guld(en) te/ xx stuv(er)s tstuc It(em) op mort(er)manne eene(n) rijder te xxvi/ stuvers val(ens) i gul(den) vi stuv(er)s It(em) op de stad van loeven(en)/ vi guld(en) It(em) tarschot iii rijders te xxvi stuv(er)s tstuc/ val(ent) iii gul(den) xviii stuv(er)s It(em) ii guld(en) rijd(er)s lijfrente(n)/ op jouffr(ouwe) anne(n) en(de) huers brueders gedeelten vand(en) amole(n)/ gedragen(de) nutertijt bove(n) co(m)mer als voe(r) xviii mudd(en)/ rocx so(mma) xx guld(en) te xx stuv(er)s tstuc ende vie(r)/ stuv(er)s Item de voirs(creven) jouffr(ouw) p(rese)nteert die p(ar)tien/ naerd(er) te clae(re)n met hue(re)n reengenoeten ende behoeften van/ brieve(n) ende die te leggen onder de wet om janne ende/ sijnen wive hen dair mede te behulpen om die goede te/ gebruken en(de) die rinten te heffen sonder die te mynderen/ voird(er) dan zij nae de huwelike vorweerde voirs(creven) vermogen/ ende tot dien inne te staen(e) van dat de selve goede nu/ alsoe vele gelden en(de) die so(m)me van tsestich guld(en) tsame(n)/ uutbringe(n) It(em) ende oft in e(n)nich der voirs(creven) ov(er)gegevend(er)/cedullen porceelen gebrec wae(re) alsoe dat die in bewijsseniss(en)/ niet en mochten soe stelt die voirs(creven) wed(uwe) in die stad/ tgene des der voirs(creven) jouffr(ouwe) anne(n) ende huers brueders/ gedeelte(n) vand(er) amolen beter sijn dan de voirs(creven) iiii ryns/ guld(en) en(de) iiii st(uvers) erflijc en(de) ii guld(en) rijders lijftochten der/ selver jouffr(ouwe) anne(n) dair op bewesen dese jouffr(ouw) beg(er)t/ dat jan vanden ryele dese lx guld(en) overneme ende/ ontfaen met deser cedullen vand(er) renten die hier inne/ gescreve(n) staen alsoe verre als tot tsestich ryns guld(en) toe/ ende alsoe verre als die jouffr(ouw) niet voldaen en heeft/ den vo(n)nisse soe p(rese)nteert zij altijt te voldoen(e) behoudelijc/ behoerlike quitan(cie) overgegeve(n) bijder jouffr(ouwe) switten janne/ vand(en) ryele hue(re)n behuweden sone die dair op dach genome(n)/ heeft van berade van thien dagen oft hij die goede/ aenveerden wilt of niet met p(re)stacien dat hij met/ desen ov(er)nemen(en) niet en meynt te scheiden oft te trecken
//
uut sijne(n) vo(n)nissen vand(en) officiael ende vand(en) rade ons gened(ichs)/ hee(re)n ende anders niet en heeft hij die aenveert nove(m)br(is)/ xvii a(nn)[o] lxxv in consilio opidi lovanien(sis)