It(em) arnd weyn en(de) anthonijs vand(er) balct gebruede(re)n wettige sone(n)/ willems wijlen vand(er) balct inden name van hen selven ende oic/ van edewairde cruypelant hue(re)n zwag(er) en(de) ka(tlij)[nen] vand(er) balct zijnd(er)/ weerdynnen beyde nu absent zijnde die welke de selve drie gebrued(ere)n/ hier toe gelooft hebben te vervangen in p(rese)ncia hebben gekint ende/ gelijdt dat jouffr(ouw) katheline weduwe wout(er)s wijlen vand(en) tymple/ en(de) jacop hue(r) sone mits der betaling(en) van xxv crone(n) die de selve/ jouffr(ouw) en(de) huer sone den voirs(creven) weyne tot behoif van hem selve(n) en(de)/ oic vand(en) ande(re)n zijne(n) [vors(creven)] medeplege(re)n en(de) als der selver sijnder medeplege(re)n/ p(ro)cue(re) gedaen heeft zoe dat blijct bij sijnder quitan(cie) dair af voir scepen(en)/ van loven(en) gegev(en) opte(n) xxiiii[te(n)] dach no(vem)[br(is)] lestled(en) ende oic mits/ den xxv crone(n) die de selve jouffr(ouw) en(de) hue(r) sone noch zeder ter vors(creven)/ p(er)sone(n) behoif oft der gheenre dair toe recht hebben(de) opde(n) wissel/ gesedt hebben gedraghen(de) tsamen vijftich crone(n) hen volcomelijc/ geheelijc en(de) alte male voldaen heef hebben vernuecht en(de) ge(con)tenteert/ van alsulken vijftich crone(n) te xxiiii stuv(er)s tstuc alse den selven/ gebrued(ere)n en(de) hue(re)n swag(er) sculdich wae(re)n te volge(n) en(de) bijden vors(creven)/ wed(uwe) en(de) hue(re)n sone opgeleecht te wordde(n) tot seke(re)n overleden(en) t(er)mijne(n)/ uut crachte van eene(n) tractaete voir scepen(en) van loeven(en) g tussce(n)/ hen gepasseert opte(n) vi dach septembri lestled(en) Scelden(de) dair/ af volcomelic quite de selve wed(uwe) hue(re)n sone hue(r) erfgename(n)/ en(de) nacomeling(en) en(de) hue(r) goede p(ro)mitt(entes) null(atenus) alloqui s(ed) war(andizare)/ cor(am) meldert reth(eman) julii xxi