It(em) die voirs(creven) emond ende lodewijc in p(rese)ncia hebben gekind ende gelijdt/ dat den voirs(creven) henricke ende amelr(icke) hue(re)n bruede(re)n noch in deylingen gevallen/ es ende toebehoort allet recht deel ende actie dat de selve emond ende/ lodewijc hadden oft hebben mochte(n) uut saken van seke(re)n voirgaen(de) tractaete(n)/ ende deilingen inde twee deele vanden huysen hoven bossche wijngarde/ metten toebehoirde(n) geheeten den steenberch inde p(ro)chie van sinte pet(er)s
//
rode gelegen welke twee gedeelte(n) der selver goede mits seke(re)n/ voirgaenden tractaete(n) oft deilingen toebehoorde(n) jonch(e)r janne/ pynnoc hue(re)n neve ende mits ande(re)n nae tractaete(n) oft deilingen/ den voirs(creven) vier gebruede(re)n toegevuecht wae(re)n Ende hebben de selve/ emond ende lodewijc behoirlic gerenu(n)cieert ende vertegen tot behoef der/ vors(creven) henrix en(de) amelrix vanden voirs(creven) hue(re)n rechte deele en(de) actien/ dat sij hadden inde voirs(creven) twee derdendeele [gedeelte] die den vors(creven) jonch(e)r(e)n/ janne inde vors(creven) goede toebehoirden p(ro)mitt(entes) sat(is) si quid cor(am) eisd(em)