It(em) tvo(n)nisse tussche(n) g(er)de mo(m)mart die als mo(m)boir/ en(de) man katlijne(n) rutgheerts zijns wijfs met scepen(en) br(ieve)/ van loven(en) voir tvoldoe(n) van ii pet(er)s lijfpen(sien) geleyt/ es totten goeden have en(de) erve gielijs cardinaels in deen/ zijde jorijse [en(de)] ja(n)ne cardinaels gebr(uedere) sone des voirs(creven)/ gielijs en(de) claus d(er) neve(n) hue(r) zwag(er) in eenre wijs/ en(de) arnd de colne(re) in eene ande(er) wijs t(er) ande(re) daer/ de voirscr(even) geleydde v(er)socht in zijne(n) scepen(en) br(ieve) gehoude(n)/ te werde(n) en(de) p(rese)nteerde te thoene(n) dat dlijf noch/ leefde oft ontkint werde en(de) zijn wettich gebreck/ met eede te ve(r)ifice(re)n Daer yegen de voirscreve(n)/ gebr(uedere) en(de) zwag(er) hen opponeerden seggen(de) dat des/ voirscr(even) wile(n) gielijs kercken recht vande(n) goede(n) yerst/ en(de) voir al soude werde(n) getoge(n) en(de) tsurplus d(aer)op/ hadden zij gevolcht metter banck recht dair tsterfh(uys)/ was gelegen voir seke(r) wettich gebreck dat zij/ aenden selve(n) gielijs hadden eer begonne(n) eer tvoirscr(even)/ beleyt was gedaen dwelc zij voirt meynden te (con)tinue(re)n/ mair geliefden den voirs(creven) g(er)de mo(m)mart hem d(aer) yeghen te/ oppone(re)n soe wae(re) hij d(aer)af sculdich te comen(e) inde banck/ aldair Ende de voirs(creven) arnt meynde want hem toebehoirde/ thuys dat de voirscr(even) wile(n) gielijs bewoende en(de) hem/ de selve gielijs zijne huyshue(r) sculdich was bleve(n) dat/ die oick voe(r) den beleyde en(de) voe(r) de rechtvorderinghe/ inde banck gedaen sculdich ware te gane Dair yege(n)/ de voirs(creven) geleydde he(m) opponeerde meynen(de) dat hij/ van zijnder wettig(er) schout voir alle ongewettichde schout
//
sculdich wae(re) te gane Soe was gewijst dat den/ voirscr(even) geleydden de voirscr(even) goede [tot sijnder schout behoif] die hij met zijnd(er)/ eedt ve(r)ifice(re)n sal willen volge(n) sulle(n) Behalve(n) d(er)/ kercken recht en(de) de huyshue(r) die de voirs(creven) gielijs/ den voirs(creven) arnde sculdich es bleve(n) dat die voirgae(n)/ sulle(n) p(rese)ntibus meldert lyemi(n)gen couck(eroul) reth(eman) martii/ xxi