It(em) de voirs(creven) her jan hinckaert ende vrouwe katlijne/ zijne medegesellinne in p(rese)ncia hebben ind(ivisim) gekint ende/ gelijdt dat hen bijden voirs(creven) hee(re)n hue(re)n swage(re)n ende
//
den voirs(creven) twee suste(re)n volcomelijc ende altemale voldae(n)/ is vand(en) hondert clinckarden erflijc hen bij wijle(n) her/ symoen(e) pynnoc ridder en(de) vrouwe katlijne(n) [zijnd(er) medegeselli(n)nen] hue(re)r moyen/ in hiliker vorweerde(n) gegeve(n) ende gelooft ende dat/ mits der bewijssenissen vanden goeden van meldert/ metten chijse van campenhout voirs(creven) hen als voe(r)[opden dach van heden met scepen(en) br(ieven) van loev(en)]/ in deylinge(n) gevallen en(de) v bewesen Gheloven(de) den/ selve(n) hue(re)n swage(re)n ende suste(re)n de goede der voirs(creven)/ wile(n) vrouwe katlijne(n) hue(re)r moyen noch hue(re)n erfgename(n)/ ne(m)mermeer uut sake(n) vand(er) voirs(creven) hiliker vorweerden/ voird(er) dan dese condicie(n) begrepen hebben te vexeren/ noch te moyen in gheene(n) rechte gheestelijc noch/ weerlijc bij hen selve(n) noch nieman(de) anders va(n) hue(re)n/ wege(n) in gheender wijs sed de premiss(is) war(andiam)/ Behalve(n) oft de voirs(creven) goeden van meldert met den/ chijse van campenhout den voirs(creven) h(er) janne hinckart/ en(de) zijnd(er) medegesellinne(n) als voe(r) bewesen oft in deylinge(n)/ gevallen bove(n) den co(m)mer int waerscap begrepe(n) jaerlijcx/ niet en verstringde(n) de weerde van hondert clinckarde/ voirs(creven) de naeste drie jaer toecomen(de) dat zij van/ dien gebreke den voirs(creven) her janne en(de) zijnd(er) medege/ sellinne(n) inne staen sullen ende dat gebreck oplegge(n) ende/[moeten voldoen] mair niet d(aer) nae Op alsoe dat de voirs(creven) her/ jan ende zijne medegesellinne de [voirs(creven)] goede uutgeven/ sullen ende verpachte(n) hie(re)nbinne(n) bij kercgeboden duegdelijc/ ende sonder argelist bij rade der ande(r) vie(r) p(ar)tien voirs(creven)/ oft der gheender die zij onder hen vie(re)n dair toe/ depute(re)n sullen te verstaen dair tderdel vand(er) mole(n)/ mette(n) wate(re)n jege(n) donderhoude(n) afgecort sal werden/ ende inde hondert clinckard(en) met gerekent En(de)/ oft oic bijden kercgeboden de selve molen [ende goeden] metter toebeh(orten)/ nae deser rekeni(n)gen beter werde(n) bevonden dat sal den/ voirs(creven) vie(r) p(ar)tie(n) comen erflijc te bate(n) en(de) bijden voirs(creven) h(er) ja(n)ne/ en(de) zijnder huysvrouwe(n) gerestitueert werden jaerlijcx/ eisd(em)