It(em) h(er)man baets inden name van hem selve(n) en(de) pet(er)s sijns soens ter/ eender sijden en(de) joes peysman inden name van hem selve(n) ende van/ weghen joes sijns soens in dande(re) die deen tegen den ande(re)n ende/ underlinghe stoot en(de) tebat gehat hebben van handedich(eit) en(de) anders/ hebben hen de selve p(ar)tien vand(en) voirs(creven) gescillen gesubmitteert en(de)/ verbonden inde eendrechtige uutsprake te wete(n) de vors(creven) h(er)man van/ arnde reers en(de) joh(ann)ese daneels en(de) de vors(creven) joes van henr(icke) vasont/ secret(aris) en(de) roelofve vand(er) elst In sulker vuegen dat de vors(creven) segge(re)n/ hue(r) eendrechtige uutsprake doen selen binne(n) viii daige(n) nae dat/ de vors(creven) joes peysman de jonghe uut(er) reysen van gheldre comen/ sal sijn Geloven(de) de vors(creven) vaders hue(r) sone(n) in beiden zijde(n) te v(er)vangen(e)/ p(ro)mitt(ens) rat(um) cor(am) couck(eroul) oud(erogghe) oct(obris) x H(ier) af is d(er) segge(re)n uutsp(ra)ke/ dat p(ar)tie(n) van alle(n) sake(n) sele(n) v(er)leke(n) zijn en(de) blive(n) met goed(er)/ vrientscap en(de) elc p(ar)tie sal ons(er) liev(er) vr(ouwen) te(n) augustijne(n) t(er) bet(er)nisse/[offe(re)n en(de) geve(n) i wasse(n) keersse van (½) ponde was cor(am) oud(erogghe) reth(eman) nove(m)br(is) sexta]