Allen den ghenen (et)c(etera) doen cond en(de) te weten dat otte van scharenbroec/ wettich sone jans van scharenbroech heeft ge(con)stitueert gesedt volcome(n)/ macht p(ro)curacie en(de) auctoriteit gegeve(n) den selven janne sijne(n) vader/ te compose(re)n alsulke(n) mesdaet als hennen mussche vranx sone aen/ hem gedaen heeft int gevichte gevichte tussce(n) hen beiden gesciet/ inde borchstrate te loeven(en) dair de vors(creven) otte zijn hant verloer/ ende soe wes bet(er)nissen dair af comt dat de vors(creven) vader dair mede/ sijne(n) p(ro)pe(re)n eygen(en) wille sal moig(en) doen sonder rekeni(n)ge oft bewijs/ d(aer) af in e(n)nige(n) toecomen(de) tiden te doene in mel(iori) for(ma) cor(am) go(defri)[do] vand(en)/ berghe substituto cor(am) oud couck(eroul) ouderogge sept(embris) xvii