Vander questien die geweest is ende hangt voe(r) meye(r)/ ende scepen(en) van loeven(en) tusschen janne vand(en) ryele/ aenlegge(r) ter eenre zijden ende goirde hermeys voe(r)/ hem ende vrancken zijne(n) brueder absent zijnde dien/ hij hier inne gelooft te vervaen(e) ende jouffrouwen/ katlijne(n) weduwe jans wilen de witte voir hen ende/ janne de wynne absent zijnde den welcken de voirs(creven)/ gord hermeys ende jouffr(ouw) katlijne hier inne gelooft/ hebben te vervange(n) in dande(re) aengaen(de) seke(re)n opgaen(de)/ houte dat de selve jan de wynne tegen den voirs(creven) gorde/ ende jouffr(ouwe) katlijne(n) gecocht heeft ende te hemweert/ getogen heeft van seke(re)n goeden te ganspoele gelegen/ ende des dair aen cleeft hebben hen de selve p(ar)tien/ gesubmitteert in segge(re)n ende vriendelike yffene(re)n Te/ weten(e) de voirs(creven) jan in meest(er) ja(n)ne lobbe sec(re)tar(is) ende/ meest(er) woute(re)n vanden ryele desselfs jans brueder ende/ de voirs(creven) gord ende jouffr(ouw) katlijne in gielijse de vos/ borg(er)meester ende gielijse van duffle In sulcker vuegen/ dat de seggers inder saken informacie ende alle claernisse/ neme(n) sullen ende hue(r) eendrechtige uutsprake d(air) af/ doen binne(n) viii dagen naestcomen(de) p(ro)mitt(entes) rat(um) cor(am)/ meldert reth(eman) nove(m)br(is) xxvii