Het quame(n) in rechte op heden voir meye(r) ende scepen(en)/ van loven(en) gielijs van duffle ghedaicht van henricke/ van buetschoe(re) welc henr(ic) vand(en) erfgename(n) vranx/ wilen willemair gegoet was voe(r) hoff ende hee(r) in/ thien crone(n) vranck(rijx) vanden lichte(n) gewichte erffelijcker/ rente(n) ter quitingen voirmaels met scepen(en) brieve(n) va(n)/ loven(en) besedt den voirs(creven) vrancken aen ende op seke(r)/ goede ende onderpande te foul toffus taut(re)glie(se) en(de)/ d(aer)omtrint gelege(n) die toetebehoire(n) plage(n) janne ende/ jacoppe wilen van warna(n)t gebruede(re)n van welken/ onderpanden de voirs(creven) gielijs een deel houden(de) es Te/ weten een stuck onder bosch en(de) bempt houden(de) seve(n)/ boende(r) oft d(aer)omtrint gelege(n) te foul bove(n) de mole(n) she(re)n va(n) [cha(n)train]/ d(aer)af de v zijn bosch en(de) dand(er) bempt Dairaff oic/ een seke(r) tractaet voe(r) scepen(en) van loven(en) tusschen/ den voirscr(even) wile(n) vrancken en(de) gielijse wert gemaect/ en(de) een uuytsp(ra)ke gedae(n) vander daet sgoensd(aghs) inde/ paeschdage a(n)no lxxii die de voirs(creven) henr(ic) dede lezen/ hem getroosten(de) totten rechte dat hem de voirs(creven) giel(ijs)/ zij(n) v(er)lette rente betale(n) soude oft hem soude tvoirscr(even)/ goet voe(r) zijn voirs(creven) rente v(er)schene(n) en(de) ombet(aelt) uutstaen(de)/ volghe(n) en(de) als trecht d(er) voirs(creven) scepen(en) br(ieven) hebben(de) D(aer)op/ de voirs(creven) gielijs sustineerde wa(n)t de voirs(creven) he(n)r(ic) van/ butschoe(re) ageerde met hofbr(ieve) en(de) allig(er)de hofguedinge/ te hebben(e) vand(er) voirs(creven) rente(n) Soe v(er)socht hij dat de/ selve he(n)r(ic) q(ua)me ind(en) hof en(de) d(aer) behoirdet en(de) hij woude/ d(aer) de voirs(creven) goede v(er)antw(er)d(en) en(de) he(m) vand(en) voirs(creven) last op/ dat hij conde ontw(er)ke(n) Vand(en) welke(n) de voirs(creven) he(n)r(ic)/ bliven(de) in zijnder (con)clusien als voe(r) meynde de (contra)rie en(de)/ dat alh(ier) voir meye(r) en(de) scep(enen) sculd(ich) wae(re) gekint te/ werden Soe wert h(ier)op gewijst te(n) ut(er)sten bij scep(enen)/ t(er) manisse(n) smeyers dat de voirs(creven) giel(ijs) met zijne(n) voirtstelle/ va(n) renvoye v(er)doelt wae(re) p(rese)nt(ibus) o(mn)ib(us) scab(inis) de(m)pto oud(erogghe) fe(bruarii) ult(ima)