It(em) pauwels vand(en) bossche heeft genomen tegen rolofve roelofs/ die drie boende(r) lants gelegen aende percke poerte die/ toebehoeren plagen den erfgenamen jans wijlen van nethen(en)/ geheeten vand(en) ryele Te wy(n)nen en(de) te werven van half/ m(er)te dat was int jaer van lxxi nae scrijven des hoofs/ van luydick eene(n) t(er)mijn van ix jai(r)en lang deen nae dand(er)/ sonder middel vervolgen(de) elx jaers dairenbynne(n) elc boend(er)/ daer af om vijf mudden rox met wanne en(de) vlogele wel/ bereet d(er) maten van loeven(en) tsinte andrismisse ap(oste)l te betale(n)/ en(de) ten huyse des voers(creven) roelofs te leveren Desgelijcx/ heeft de selve pauwels den selven t(er)mijn tegen den/ voers(creven) roelofve genome(n) een schue(r) gelegen in sinte qui(n)tens/ p(ro)chie inde nuwestrate die oick den voers(creven) van nethen(en)/ toetebehoeren plach elcx jaers om lx st(uvers) te iii pl(a)c(ken) tstucke/ tsinte jansmisse te betalen jaerlijx den voers(creven) t(er)mijn due(re)nde/ quol(ibet) ass(ecutu)[m] en(de) de voers(creven) roelofs heeft gekint dat alle/ de voers(creven) renthen betaelt zijn totte(n) dage van heden/ It(em) de voers(creven) pauwels sal noch geven jaerlijcx viii bussele(n)/ coustbaer walms en(de) hij sal deen helicht vand(en) voers(creven) lande/ laten ghersten stoppele en(de) dand(er) bloet nae scherw(ar)moes/ En(de) alle dese vorwerden (et)c(etera) cor(am) pynnock couck(eroul)/ aprilis xxiiii