Opt gescille dat voe(r) den rade vander stat qua(m)/ tussche(n) arnde de coste(re) sone vranx dien hij hadde/ van katlijne(n) wile(n) vander stoct zijne(n) yerste(n) wive/ ae(n)legge(r) in deen zijde en(de) janne vander stoct oem des/ voirs(creven) arnts v(er)weerde(r) in dande(re) alse vand(en) omber(uerlike) en(de)/ erfgoede(n) de(n) voirs(creven) arnde en(de) janne gebleve(n) en(de) verstorve(n)/ va(n) [vacat] die moeder was des voirs(creven) jans en(de) wile(n) ka(tlij)[ne(n)]/ die de voirs(creven) arnt inde stat va(n) zijnre moeder geset/ hadde in twee p(ar)cele(n) va(n) deylinge(n) om den voirs(creven) zijne(n)/ oem d(aer)af deene porcie te moege(n) kiese(n) en(de) dander/ hem te laten Meynende de selve aert dat dat/ alsoe was sculdich va(n) rechts wege(n) te geschien nader/ stadt recht zunderlinghe gemerct dat hij de selve settinge/ den voirs(creven) zijne(n) oem voir scepen(en) van loven(en) die hadde/ ov(er)gegeve(n) en(de) de selve zijn oem hadde die aenveert Vande(n)/ welke(n) de voirs(creven) jan hem oppone(re)nde sustineerde dat hij/ dat van rechts wege(n) niet sculdich en was te doen(e) ende dat/ hem die settinge alsoe noch deen noch dande(r) te hebben/ aen en stont mair meynde dat de goede mette(n) he(r) en(de)/ met rigue(r) va(n) rechte soude werden gedeylt Soe/ wert getermineert bijde(n) rade vander stat p(ar)tien int lange/ gehoirt dat de voirs(creven) jan sculdich soude zijn opde voirs(creven)/ settinge van zijne(n) neve zijne(n) kuese te doen(e) oft de goede/ selve in twee p(ar)cele(n) [te] setten en(de) den voirs(creven) zijne(n) neve de(n)/ koese late(n) in pleno consilio maii ult(ima)