Item zijn bleven ende gevallen den voirs(creven) janne in/ deylingen de goede rinten ende pachten naevolgen(de)/ Te weten(e) ierst drie dachmalen lants gelegen op/ doude hage te assent bij campenhout tusschen de goede/ jacops van ackendonck geheeten de meye(r) ende de/ goede willems putteman Item een dachmale lants/ gelegen opt selve velt tusschen de goede jans kerstiaens/ op deen zijde ende de goede jans van espen op dande(r)
//
Item een half boend(er) lants gelegen opt selve velt tusschen/ de goede arnts int wout ende de goede scloesters [des gasthuys] van sint/ jans te bruess(ele) It(em) sesse dachmalen lants gelegen opt selve/ velt tusschen de goede willems van espent en(de) de/ goede jacops van ackendonck Item anderhalf dach(mael)/ lants gelegen opt wolzijp tassent voirs(creven) tusschen de/ goede barbelen willems op deen zijde ende de strate/ gaende te campenhout weert op dande(r) Item een/ dachmael lants gelegen op delstervelt tusschen de/ goede arnts van bullestraten op deen zijde ende de/ goede arts wilen mussche op dande(r) Item and(er)half/ dachmael lants gelegen aldaer opt selve velt tusschen/ de goede willems van espen op deen zijde en(de) de zijpstrate/ op dande(r) Item drie vierdelen lants gelegen op dassendervelt/ tusschen de goede jacops vander helicht op deene ende de/ goede der erfgename(n) arnts wilen van uthem op dande(r)/ Item viertich roeden lants gelegen opt selve velt tusschen/ de goede jans kerstiaens op deen zijde ende de goede jans/ scelkens joes sone op dande(r) Item een boender beemps/ gelegen int vaelbekerbroec inde prochie van outhev(er)le/ tusschen de goede hee(re)n mychiels absoloens ridders op deen/ zijde de goede scloesters van s(in)[t] g(er)truden te loeven(en) op/ dande(r) ende de goede m(ar)grieten boels en(de) marien/ luys op de derde zijden Item een dachmael beemps/ gelegen int voirs(creven) broec inde voirs(creven) prochie tusschen de/ goede des voirs(creven) hee(re)n mychiels op deene de goede m(ar)griete(n)/ boels voirscr(even) op dande(r) ende de goede peters vrancx/ op de derde zijden Item een half dachmael beemps/ gelegen int voirs(creven) broec inde voirs(creven) prochie tusschen de/ goede meester jans van wesele op deen zijde en(de) de/ goede der kercken van weerde op dande(r) Item tderdel va(n)/ eenen boend(er) lants gelegen opt vaelbeker velt voirs(creven) inde
//
voirs(creven) prochie tusschen de goede mathijs van lare ende de/ goede jeha(n)nen buysac Item een half boender bosch gelegen/ inde voirs(creven) p(ro)chie tusschen de gruen strate ald(air) en(de) de goede/ claes van stakenborch op deen zijde ende de goede hee(re)n/ coenrarts vand(er) meren ridders op dande(r) op den last/ en(de) co(m)mer d(aer) uutgaen(de) te weten(e) de weerde van seven/ ende twintich stuvers in alrehande cleyne(n) chijse Item/ een half banc gelege(n) int vleeschuys inden middelsten/ reye ten drake weert tusschen de banck gielijs/ lyeminc voirs(creven) op deen zijde ende de goede jacops van/ muysen(en) op dande(r) op sheeren chijs d(aer) uutgaen(de) Item/ de helicht van tweelf ryns guld(en) erfrinten op de stad/ van loeven(en) dair af peter vrancx de wederhelicht heeft/ Item noch een mudde rocx erfs pachts ende twee/ capuyne(n) erfchijs aen ende op twee dachmalen lants/ gelegen tassent voirs(creven) ende aen ende op een eussel geheete(n)/ tcalve(re)n eussel toebehoe(re)nde lauwereyse van espen Ende/ dese deylinge aldus wettelijc geschiet wesende/(et)c(etera) cor(am) eisd(em)