Item zijn bleven ende gevallen den voirs(creven) gielijse lyeninc/ en(de) m(ar)grieten snaens sijnder huysvrouwe(n) in hue(re)r deylingen/ de goede(n) chijsen ende rinten naevolgen(de) Inden yersten/ een huys ende hoff metten schue(re)n stallen wynnende/ landen ende allen ande(re)n toebehoirten geheeten thoff/ ten ynde inde prochie van herent ende van oesterhem/ tusschen den willems hoff op deen zijde ende dlangvelt/ op dande(r) op den co(m)mer daer voe(r) uutgaende te weten(e)/ een half mudde even(en) acht en(de) eenen halve(n) pe(n)ningen goets/ gelts eene(n) helling ende een meysscout vie(r) capuyne(n)
//
tweelf penni(n)gen goets gelts ende eenen pot wijns/ al erflijc Item een half boender lants gelegen inde voirs(creven)/ prochie van herent opt langvelt aen den diewech tusschen/ de goede der erfgenamen wouters wilen pynnoc op deen/ zijde ende de goede van borre op dande(r) Item een half/ boender lants gelegen opde groote heyde tusschen de goede/ katlijne(n) ty(m)mermans op deen zijde ende de goede/ willems wilen de witte op dande(r) Item anderhalf/ dachmael lants gelegen opt bylock tusschen de goede/ daneels boxhoren op deen zijde ende de goede henr(ix)/ vanden dale op dande(r) It(em) een half dachmael lants/ gelegen opt selve velt tusschen de goede des voirs(creven)/ henricx vanden dale op deene ende de goede jans/ baers op dande(r) zijde Item een dachmael lants/ gelegen over de beke aen den hert op deen zijde en(de)/ de goede lijsbetten scampaerts op dande(r) Item een/ half dachmael lants gelegen opt selve velt tusschen/ de goede henricx de witte op deen zijde ende de goede/ willems vanden ynde op dande(r) Item een dachmael/ lants gelegen boven den reywech tusschen de goede/ der kercken van herent op deen zijde ende den/ reywech voirs(creven) op dande(r) Item noch een dachmael/ lants gelegen onder den reywech voirs(creven) tusschen den/ selven wech op deen zijde ende de goede der/ kinde(re)n willemaers op dande(r) op den co(m)mer ende/ last d(aer) voe(r) uutgaende te weten(e) drie mudden/ rocx erfspachts d(aer) te behoirliken tide te betalen(e)/ Item drie dachmalen lants gelegen inde voirs(creven)/ p(ro)chie van herent op dlangvelt aen den diewech/ tusschen de goede pet(er)s [wilen] vrancx [nu peters de naen] op deen zijde ende/ de goede wouters wilen vanden tymple op dande(r)/ op den co(m)mer ende last d(aer) voe(r) uutgaende te
//
weten(e) een half mudde rocx ende twee [drie] penni(n)gen/ erf chijs ende pachts ten behoirlike(n) tide en(de) t(er)mijne/ te betalen(e) Item een dachmael ende vierendertich/ roeden lants gelegen inde voirs(creven) prochie van herent/ opt langrodevelt tusschen de goede henricx de rijke/ op deen zijde ende de goede gheerlijcx vand(en) stocke/ op dande(r) It(em) achtendeveertich roeden lants gelege(n)/ opt cleyn langrodevelt tusschen de goede henricx de/ rijke op deen zijde ende de goede der kinde(re)n boxhoe(re)n/ op dande(r) Item een dachmael lants [eygens] gelegen op oesterhem/ velt tusschen de goede vanden borre [sheeren van coursworm] op deen zijde/ ende de goede der thienden van herent op dande(r)/ Dese drie leste p(ar)ceelen van landen op den co(m)mer en(de)/ last daer voe(r) uutgaende te behoirliken tide ende/ t(er)mijne te betalen te weten(e) drie pe(n)ningen erfchijs/ Item een huys ende hoff gelegen inde slachstrate over/ de dyle geheeten dekensstrate tusschen de goede/ willems de naen hem voe(r) in deylingen gevallen ende/ de goede bertelmeeus de ruyssche op dande(r) op den/ co(m)mer ende last van tweelf stuv(er)s erflijc d(aer) voe(r)/ uutgaende te behoirliken tide te betalen Item/ een stuck hoofs dair neven gelegen tusschen den/ hoff des voirs(creven) willems de naen op deen zijde ende/ den hoff des voirs(creven) bertelmeeus de ruyssche op dande(r)/ comende metten eenen ynde tot aen den wech/ gaende van uuter stoven geheeten de gulden mouwe/ tot op de dyle Item een banck gelegen int/ vleeschuys inden middelsten reye ten drake weert/ tusschen de goede jans bollart op deen zijde ende/ de goede gheerlijcx vanden stocke op dande(r) op den/ hee(re)n chijs d(aer) voe(r) uutgaen(de) te behoirliken tide te/ betalen Item drie l(i)b(ra) erfchijs vallen(de) alle jae(re) te
//
kersmesse op een huys geheeten den blauwen steen gelegen/ opde vischmerct tusschen thuys en(de) de goede geheeten de/ drie haringe op deen zijde ende de goede wilen jans/ calaber op dande(r) Item twee ryns guld(en) erflijc vallen(de)/ alle jae(re) te kersmesse aen ende op een huys ende hoff/ gelegen in s(in)[t] qui(n)tens strate claes baertmake(re) dat toe te/ behoe(re)n plach henricken yngels tusschen de goede desselfs/ claes ende de goede jans vanden bossche brieders op dande(r)/ Ende dese deylinge aldus wettelijc geschiet wesende/(et)c(etera) ut h(abetu)r in p(rim)[a] p(ar)t(ificati)[o(n)e] cor(am) eisd(em)