It(em) goirdt van strilo wonen(de) te diest in p(rese)ncia heeft gekint/ ende gelijdt openbaerlijck inde(n) name en(de) va(n) wege(n) vanden/ eerweerdighe(n) in gode de(n) abt ende conve(n)t van sintruyde(n)/ gehave(n) te hebben en(de) ontfange(n) va(n) jouffr(ouwe) ka(telij)ne(n) hoe(r)ke(n)s wed(uwe)/ jans wile(n) vande(n) hove yerst xxv r(yns) guld(en) uuyt sake(n) van/ dat wile(n) jan vande(n) hove der voirs(creven) jouffr(ouwe) man alse offic(ie)r/ voir gebreck van dienste va(n) leene ae(n)veert hadde eenige/ rente(n) den voirs(creven) godshuyse toebehoiren(de) tott(er) weerde(n) vand(en)/ so(m)men voirs(creven) Inde restitucie va(n) welker so(m)men de selve/ jan vanden hove bijde(n) he(re)n vande(n) p(ar)leme(n)te va(n) mechlen
//
vo(n)nislijck gecondempneert es desgelijck heeft de/ selve goirt oick gehave(n) vander voirs(creven) weduwe(n) xx r(yns) g(ulden)/ d(aer)mede de selve wed(uwe) den voirs(creven) godshuyse v(er)nuecht heeft/ va(n) sulke(n) costen als tvoirs(creven) godshuys geleden hadde int/ v(er)volge(n) vande(n) p(ro)cesse voirg(eruert) dat zij tege(n) den voirs(creven) wile(n)/ ja(n)ne gehadt hadden Scelden(de) vand(en) selve(n) xxv r(yns) g(ulden)/ va(n) onthaven(en) rinte(n) ende voirts vand(en) coste(n) vande(n)/ voirs(creven) processe soe v(er)re dat den voirs(creven) processe gods(uys)/ aengae(n) mach volcomelijck quijte Geloven(de) d(aer)af ne(m)m(er)meer/ aen te spreke(n) sed war(andizare) vynck vos januar(ii) xi