Tgedinge dat opv(er)stont voir meye(r) ende scepen(en) van/ loev(en) tusschen gielijse rogghe aenlegge(r) ter eend(er) zijde(n)/ en(de) henr(icke) vand(en) rijne verweerde(re) ter ande(re) om den erfchijs/ die de voirs(creven) gielijs yesch den voirs(creven) hen(ricken) en(de) zijnen/ goeden gelege(n) inde wijng(ar)tstrate d(aer) voe(r) de selve/ gielijs begonne(n) hadde rechtvorderinge te doen(e) ende/ op de gronde(n) gevolcht soe verre dat de selve henr(ic)/ dat met panden gescut hadde en(de) wae(re)n soe come(n)/ inde banc ende meynde de voirs(creven) gielijs dat hem/ den selve(n) erfchijs volgen soude aen de gesedte pande nae/ begrijp sijnre scepen(en) brieve(n) en(de) den reden(en) die hij d(aer) toe/ alligeerde Vanden welcken de selve henric sustineerde/ de contrarie bij reden(en) van hem gealligeert soe dat/ beide de p(ar)tie(n) bij scep(enen) gewijst werde(n) tot hue(re)n thoenisse
//
Ende alst qua(m) ten dage d(aer) toe gestelt versocht de voirs(creven)/ henric in zijne(n) int(er)rogatorie(n) met eene(n) ar(ticu)[le] gemaent/ te werden(e) seke(re) goede ma(n)nen oft ter tijt als de diene(re) met/ willem(me) van leefdale als procur(eur) opden gront yerstwerf/ daechde dat doen d(aer) voe(r) en(de) d(aer) nae opde pande genoech/ was te pande(n) te weten(e) cuypen vaten en(de) dier gelike/ Welc thoenisse de voirs(creven) gielijs rogghe meynde dat/ niet sculdich en wae(re) gehoirt te werden mair geliefde/ hem d(aer) af metten scepen(en) yet te thoene(n) dat hij dat/ soude moege(n) doen met rechte Dese int(er)locutorie was/ gewijst inder stad hande en(de) als scepen(en) hue(re) raport hadde(n)/ gedaen soe wert get(er)mineert bijden rade vand(er) stad/ en(de) den voirs(creven) p(ar)tien voe(r) recht uutgesproke(n) dat de/ voirs(creven) henric vand(en) rijne met zijne(n) voirtsette dit ar(ticu)[le]/ anders dan met scepen(en) te thoene(n) verdoelt was act(um)/ in ple(n)[o] (con)s(ilio) junii xxvi