It(em) jouffr(ouwe) m(ar)griete colve wettich wijf jans van ghend die/ jairlijx ende erflijck heeft op seke(re) goede toebehoiren(de) gielise/ de becke(re) bynne(n) loven(en) gelege(n) vijf guld(en) r(ijnsch) g(ulden) heeft om/ betalinghe te hebben den selve(n) gielise gevolcht en(de) uuyt(er)lijck/ heeft zij voe(r) den selve(n) hue(re)n erfchijs pandinghe op huer/ onderpande gedaen D(aer)entenden heeft de selve gielijs dien/ chijs gesedt onder jaspare(n) claus vorste(r) totte(n) rechte ende/ alsoe heeft de voirscr(even) jouffr(ouwe) m(ar)griete voirtgevare(n) ende heeft/ den voirs(creven) gielise doen dach doen mette(n) diene(r) vande(n) he(re) ende/ d(er) stat om oft hij hem oppone(re)n woude zij en soude hue(re)n/ chijs trecken dat hij dan op eene(n) geleden(en) dach va(n) rechte/ voir meye(r) en(de) scepen(en) va(n) loven(en) soude come(n) Dair de voirscr(even)/ gielijs niet en quam noch op hede(n) als ten naeste(n) gedinge/ der voirs(creven) jouffr(ouwe) m(ar)griete(n) trecht v(er)sueken(de) soe wijsden/ de vo(n)nissen van scepen(en) t(er) manissen smeyers dat de voirscr(even)/ jouffr(ouwe) m(ar)grieten hue(re)n voirscr(even) gesetten tchijs volghen/ soude totten rechte eisdem