It(em) jan cruyplant cledermake(r) die beclaecht hadde gielijs vand(en) eycke(n)/ voe(r) een so(m)me van pe(n)ni(n)gen ende de selve giel(ijs) meynde dat hij inde(n)/ selve(n) ja(n)ne niet en was gehoude(n) mair dat hen die va(n) buyte(n) was/ de selve jan beg(er)de te moeyen en(de) te houde(n) gaen(de) uut(er) betoge(n) bijden/ selve(n) giel(ijs) voe(r) den rade vander stat d(aer) hij v(er)socht des voirs(creven) jans/ actie te wete(n) en(de) va(n) he(m) ticht te hebben(e) Dair de selve jan v(er)cleerde/ dat hij ande(re)n wile(n) yege(n) den voirs(creven) giel(ise) hadde gecocht wisshout/ tot eend(er) sekerder so(m)men en(de) dat he(m) de selve giel(ijs) eensdeels/ gelev(er)t en(de) hij hadt he(m) oick betaelt en(de) va(n) meer wisse(n) dan hij was/ gelev(er)t Mair va(n) des he(m) noch gebrack v(er)socht hij gelev(er)t te w(er)de(n)/ en(de) hij woudt betalen nae begrijp van eene(n) cyrog(ra)ve h(ier)op gemaect/ dat goessen vanden vere wert inden pellicaen d(aer) de comenscap/ gesciedde onderhadde Op welke opticht de selve giel(ijs) v(er)antw(er)de/ en(de) kinde de come(n)scap soet tvoirs(creven) cyrog(ra)f begrijp d(aer) hij de wed(er)gaye/ af hadde die beyde gelese(n) ware(n) mair hij boet te doen blike(n) met/ goeden ma(n)nen dat hij va(n) omtrint septe(m)ber lestled(en) den voirs(creven) ja(n)ne/ ontboden hadde en(de) oic selve gesegt h(ier) te loven(en) woude hij thout/ hebben he(m) gebreken(de) hij soudt he(m) leve(re)n en(de) dat de voirs(creven) jan/ gheen leveringe te dier tijt en beg(er)de Ende soe hij meynde de selve/ giel(ijs) d(aer)bij nu de leveri(n)ge in desen zware(n) tijde niet te moete(n) doe(n)/ Dairop vander stad rade gehoirt w(er)den [met eede] de ghene d(aer) he(m) de/ voriscr(even) giel(ijs) toegedroech en(de) die gehoirt w(er)t bijder stat rade/ tussche(n) de voirs(creven) p(ar)tie(n) uuytgesproke(n) dat zij vande(n) gelev(er)d(en)/ houte en(de) d(aer)af betalinge(n) was gedae(n) bij een souden gae(n) reken(en)/ en(de) malcande(re)n voldoen ende dat de voirscr(even) gielijs op dat/ jan van zijnen gebreke gelev(er)t woude zijn thout nae inhoud(en)/ vanden cyrog(ra)ve gebreken(de) ja(n)ne soude moege(n) leve(re)n tussche(n) dit/ en(de) sinxen(en) naestcomen(de) en(de) dan dat betale(n) soet gecocht es en(de)/ d(aer)mede gestaen In profesto nych(olaus) decembr(is) v[ta]