Allen (et)c(etera) doen condt eene(n)yegelijken die desen onse(n) br(ieve) selen sien/ oft hoire(n) lesen dat opden dach van heden voir ons come(n) es in/ prope(re)n p(er)sone h(er) claes va(n) sinte gorix ridder kynnen(de) ende/ lijden(de) dat hij uuyt zijne(n) vryen eygen(en) wille in aelmoessen(en) en(de)/ puerlijck om godswille gegeve(n) en(de) gegunt heeft en(de) mits dese(n)/ gheeft den godshuyse van jherico in brussele buyte(n) sinte kat(lij)[ne(n)]/ poirte gelege(n) In welke(n) cloeste(r) oft godshuyse hij gecloestert en(de)/ gedaen heeft barbele(n) natuerlijcke docht(er) he(re)n jans va(n) sinte gorix/ ridders zijne nichte om aldair geprofessijt te werden(e) te(n) behoirl(ijken)/ tijde en(de) d(aer)nae eeuwelijck inde(n) selve(n) godshuyse te bliven(e) de/ goede en(de) rinte(n) h(ier)nae bescreve(n) Inden yersten drie boende(re)n eyge(n)s/ wynne(n)ts lants luttel min oft meer gelege(n) inde prochie va(n) and(er)lecht/ in drie stucken dairaf deen stucke houden(de) vijf dachwant geleg(en)/ es opt velt geheete(n) cruysvelt inde voirscr(even) prochie va(n) ander/ lecht tussche(n) de goede der cap(it)len van anderlecht in deen zijde/ ende de goede jouffr(ouw) langvoets wijf wijlen coenraerts/ va(n) valkenborch in dande(r) Item dande(r) stucke d(aer)af houden(de)/ vijf dach(mael) es gelegen inde p(ro)chie en(de) opt velt voirscr(even) geh(eten)/ anderlechtcoute(r) tussche(n) de goede des gasthuys van sintjans/ in bruessele in deen zijde ende de goede wijle(n) h(er) godevaerts/ comers in dande(r) zijde comen(de) metten eene(n) ynde aende goede/ cornelijs van brede eycke Item tderde stucke houden(de) twee/ dach(mael) es gelege(n) opte hoeganderlechtcoute(r) tusschen de/ hoelstrate aldair in deen zijde ende de goede wile(n) ware(n)/ jans suene(n) inde berchstrate Item ende tderdendeel va(n) thien/ ende eene(n) halve(n) cheinsg(ulden) goet ende gheve oft de weerde/ dairaf jairlijx ende erffelijck chijs half tsintjansmesse en(de)/ half te kersmesse te betalen(e) Welck derdendeel vanden/ voirscr(even) cheinse de voirs(creven) h(er) claus van sinte goerix hadde/ op een hofstat mette(n) huyse d(aer)op staen(de) en(de) hue(re)n toebeh(oirten) geleg(en)/ opte spiegelbeke tussche(n) de goede daneel daneels t(er) vischm(er)ct/ weert op deen zijde en(de) de goede wille(m)s va(n) nieven(en) sadelmak(er)s
//
ter putterien weert in dande(r) gelijck hen de voirscr(even)/ goede strecken tot aende goede wout(er)s vander noot met/ alle den rechte dat de selve goede hebbe(n) in eene(n) muere/ oft ghevele vande(n) acht(er)huyse des voirs(creven) willems va(n) nievene(n)/ aldair staen(de) en(de) oick in eene(n) ande(re)n bo muer bove(n) den/ puttenborne ald(aer) staen(de) met oick den rechte dat de selve/ goede hebbe(n) inden voirg(eruerde) putte(n)borne Ende om dat/ tvoirscr(even) godshuys van jherico teeuwige(n) dage(n) in toecomende(n)/ tijden vanden voirscr(even) ghifte(n) beyde d(er) goede(n) voirs(creven) te/ bat verwaert en(de) versekert soude moege(n) wese(n) ende blive(n)/ Soe heeft de selve h(er) claus van sinte gorix voe(r) ons/ geconstitueert en(de) volcomelijck gemechticht ende mits dese(n)/ gheeft volcome(n) macht den voirs(creven) h(er) janne van sinte gorix/ ridde(r) zijne(n) sone om van zijne(n) wegen tvoirs(creven) godshuys/ van jherico terven te goede(n) optedrage(n) en(de) ov(er) te geve(n)/ beyde p(or)ceele(n) van goeden voirscr(even) ende hen dair inne te/ vestigen voe(r) scepen(en) va(n) bruessele en(de) den he(r) vand(en) gronde/ op dats behoeft doude br(ieve) d(aer)af den selve(n) godsh(uys) soe v(er)re/ het vuegelijck es ov(er) te geven(e) oft waerscap va(n) zijne(n) wege(n) te/ geloven(e) alsoet va(n) noode sal wese(n) opde selve goede te/ v(er)thienen(e) en(de) te werpe(n) he(m) niet meer rechts d(aer)aen te beke(re)n/ met alle manie(re)n en(de) solempniteyte(n) va(n) rechte d(aer)toe dienen(de)/ en(de) behoirende gelijck en(de) alsoet voe(r) scepen(en) van bruessele/ gewoenlijck es te doene Geloven(de) in goeden trouwen/ ende opde v(er)bintenisse van allen zijne(n) goeden voe(r) hem/ ende zijne nacomelingen te euwigen dagen voe(r) goet vast/ gestede en(de) onv(er)brekelijck te houden(e) al tghene des bijde(n)/ voirscr(even) h(er) janne zijnen sone in des voirscr(even) steet gedae(n)/ oft voirts gekeert sal werden zonder e(n)nich wed(er)seggen/ oft wed(er)roepe(n) In orconde(n) van welke(n) dingen voirs(creven) hebbe(n)/ wij borg(er)meeste(re)n scepen(en) en(de) raet d(er) stat va(n) loven(en) den/ segel te(n) sake(n) ae(n) dese l(ette)ren doen hange(n) m(ar)tii vi