Item her claus van sinte gorix ridder in tegenwoirdich(eit) der/ scepen(en) van loven(en) gestaen heeft gekint ende gelijdt dat/ hem walterus braken ende gorijs wante zijn diene(re)n volcome(n)/ rekeni(n)ge bescheyt bewijssenisse et r(e)liqua gedae(n) hebben/ van allen den regimente hanteringen bewinde heffen/ opbue(re)n ende ontfanghen uuytgeve(n) en(de) ande(r) die zij oft/ e(n)nich va(n) hen tot desen daghe toe gehadt moege(n) hebbe(n)/ ende gedaen van e(n)nigen van zijne(n) goeden haeflijcke oft erflike/ chijsen rinte(n) pachten en(de) rechte(n) hoedanich die zijn oft/ wesen moegen in e(n)niger manie(re)n tot desen dage toe/ Bekynnen(de) voirt dat hij van allen dien volcomenlijck es/ voldaen ende allessins gecontenteert Gelovende de/ voirscreven her claus van sinte gorix den voirscr(even) walt(er)/ ende gorijse van des voirscr(even) steet ne(m)mermeer aen te spreke(n)/ in gheene(n) rechte gheestelijck noch weerlijck mair van/ deser quitancien tegen eenenyegelijcken recht warant/ te zijne en(de) te bliven tot eeuwighen daghen H(ier) ware(n)/ over jan van oppendorp en(de) goirdt hanckart scepen(en)/ te loven(en) martii vi