Vander aensprake(n) die jeha(n)ne weduwe [le] grant godchar gedae(n)/ heeft op abeerde de mont hue(re)n brueder seggen(de) dat onlanx lede(n)/ tege(n) den selve(n) hue(re)n brueder gevolcht en(de) gedingt heeft inde banck/ torp le petit om zeke(r) gronde va(n) erve die zij meynt hue(r) toebeh(oirende)/ dair die sake zoe v(er)re gehandelt was dat bij vo(n)nisse(n) der scep(enen)/ ald(aer) wert gewesen dat aensprake en(de) v(er)antwerden niet en ware(n)/ geschiet van rechte en(de) dat alsoe elke p(ar)tie geduempt was/ in deen helcht vande(n) costen inder sake(n) gelope(n) en(de) dat zij also/ dmeeste deel vand(en) selve(n) costen hadde betaelt en(de) d(er) wet moet/ gehadt Dese en(de) meer ande(r) pointe(n) p(rese)nteerde zij te bewise(n)/ hopende wair zij die conste gethoene(n) dat dan de voirs(creven) abeert/ gehoude(n) soude zijn huer die coste(n) optelegge(n) oft dat die sake/ ghere(n)voyeert soude werde(n) ter plaetse(n) va(n) linshain dair de/ voirscr(even) abeert voe(r) de selve coste(n) tot hue(re)n coste v(er)sueke geva(n)ge(n)/ hadde geweest en(de) met br(ieve) van des(er) stat als poirte(r) uuytgescr(even)/ was Dair tegen de selve abeert ontkynnen(de) dbijleggen der/ voirscr(even) weduwe(n) dede segge(n) nae dien dat tvervolch der/ voirs(creven) saken dair de voirscr(even) weduwe ae(n)legg(er)sse was ongefo(n)dert/ en(de) van ghene(n) rechte en was en(de) dat de selve weduwe he(m)/ d(aer)voe(r) hadde doe(n) hachte(n) t(er) plaetse(n) va(n) linshain dair die niet/ bedinct en was voir en(de) eer die coste(n) met rechte getaxert/ zijn geweest en(de) men bevi(n)den soude die costen van beyde den/ p(ar)tien torp voirscr(even) geschiet bij een gebracht zijnde en(de) dan tege(n)/ dande(r) ov(er)slagen dat zijn coste(n) ald(aer) geschiet mits dat dair/ getuychenisse va(n) zijnder zijden was geleyt soe vele en(de) hoege(r)/ gedroegen als d(er) voirs(creven) weduwe(n) costen gedrage(n) mochte(n) Bij des(er)/ en(de) meer ande(re)n reden(en) concludeerde hij ter (con)trarien en(de) dat/ hij sculdich wae(r) te gestane met den costen die hij d(aer)af/ hadde uuytgelegt Dairop de voirscr(even) weduwe thue(re)n/ thonisse gewijst zijnde thoenden metter wet va(n) orp le petit/ dat p(ar)tien voir hen hadden gedinct [en(de)] dat zij tproces alsulck/ vonden dat zijt wesen ongefondeert en(de) van gheene(n) rechte
//
ende dat elke p(ar)tie geduempt was inde helcht vanden/ costen ende dat de weduwe hen die inden meeste(n) deele/ hadde betaelt oft d(aer)af hue(re)n moet gehadt Voirt thoende/ zij met eender missiven vander stat gescr(even) aende(n) meye(r)/ van linshain dair mede de voirscr(even) abeert aldair geva(n)ghen/ sitten(de) ten versueke der voirscr(even) zijnder suster als poirtere/ uuytgescr(even) wert es gewijst t(er) manissen smeyers bij vo(n)nisse/ va(n) scepen(en) dat zij p(ar)tien remitteerden torp le petit dair/ die sake(n) vanden principale(n) en(de) d(er) voirscr(even) costen gehandelt/ zijn aldair recht te geve(n) en(de) te neme(n) in sca(m)pno ap(ri)lis/ xiiii