It(em) peter vanden bossche sone g(er)ts wonen(de) te vorst bij/ meerhout in p(rese)ncia heeft genome(n) en(de) bekint dat hij genome(n)/ heeft van janne de coste(re) hebben(de) volcome(n) procu(r)acie vanden/ godshuyse van tshertoge(n) eylande bij ghempe thoff des/ selfs godshuys mette(n) huysen hove(n) wynnen(de) landen bempde(n)/ eeusselen en(de) allen zijne(n) toebeh(oirten) gelegen inde prochie/ van vorst bij meerhout uuytgenome(n) den erfchijs oft de/ hueringe de welke de proeft desselfs godsh(uys) gewoe(n)lijck/ es te behouden Te houden te hebben en(de) te wynnen/ va(n) halfmeerte lestleden eene(n) t(er)mijn van zesse jae(re)n/ deen nae dander zonder middel v(er)volgen(de) elx jairs/ d(aer)bynnen om en(de) voe(r) vijftich rinssche gulden(en) te xix(½) st(uvers)/ stuck iii pl(a)c(ken) brab(antsch) voir den stuv(er) Alle jae(re) tsinte/ m(er)tensmesse en(de) ombegrepe(n) te kersmesse half en(de) ts(in)t/ jansmisse bap(tis)[te(n)] half te betale(n) quol(ibet) ass(ecutu)[m] It(em) es vorw(er)de/ dat de voirscr(even) wynne jairlijx den voirscr(even) t(er)mijn due(re)nde/ den voirscr(even) proeft betale(n) sal sinte remeysmisse twintich/ oude gr(ote) quol(ibet) ass(ecutu)[m] Item noch sal de voirscr(even) wy(n)ne/ jairlijx den voirscr(even) t(er)mijn due(re)nde geve(n) den voirs(creven) proeft/ ten behoirlijcken tijde en(de) leve(re)n op zijne(n) cost int voirs(creven)/ godshuys vijf hondert perskeese ende oft de voirscr(even)/ wynne de voirscr(even) v[c] keese(n) niet en conste geleve(re)n soe/ sal hij moege(n) voir v[te] hondert geve(n) en(de) betale(n) xii g(ulden)/ tstuck te x st(uvers) iii pl(a)c(ken) voe(r) den st(uver) Ende de voirs(creven)/ wynne sal de voirs(creven) keese(n) jairlijx leve(re)n te twee t(er)mijne(n)/ te weten(e) deen helcht op sinte marie(n) magdalene(n) dach/ en(de) dander helcht op sinte bartelmeeus dach It(em)/ es vorweerde dat de voirscr(even) wynne den voirs(creven) proeft/ jaerlijx den voirs(creven) t(er)mijn due(re)nde geve(n) sal een vat bote(re)n/ houden(de) dertich steene en(de) twee steene d(aer)op elke(n) steen
//
houden(de) zeve(n) ponden ende dese bote(r) sal de wy(n)ne oick/ leve(re)n jairlix int voirscr(even) godshuys op sijne(n) cost/ en(de) ten lancste(n) op sinte bertelmeeus dach It(em) noch/ sal de voirscr(even) wynne jairlijx geve(n) den co(n)vente/ vand(en) voirscr(even) cloeste(r) voir een vercken vier mottoene/ te weten(e) xxviii pl(a)c(ken) en(de) viii s(cellingen) pay(ments) voe(r) den dobbele(n)/ mottoe(n) oick op sinte bartel(meeus) dach en(de) int voirs(creven) cloeste(r)/ te betale(n) quol(ibet) ass(ecutu)[m] Item es vorweerde dat de/ voirscr(even) wy(n)ne den voirscr(even) proeft geve(n) sal jairlijx te/ sinxen(en) eene(n) vetten hamel Item es vorweerde dat de/ voirscr(even) wy(n)ne jairlijx den voirs(creven) t(er)mijn due(re)nde leve(re)n sal/ opde huyse acht hondert custbaire walme(re) om die d(aer)op/ te v(er)decken en(de) alsmen die v(er)dect sal de voris(creven) proeft/ de dachue(re)n betale(n) en(de) de wy(n)ne sal de wercliede(n) den/ montcost geve(n) Item es noch vorweerde dat de voirscr(even)/ wynne sculdich sal zijn te halen(e) op zijne(n) cost met wage(n)/ en(de) p(er)den steene leem houdt en(de) and(er)s desme(n) totten/ ouden huyse(n) behoeve(n) sal moege(n) en(de) de proeft sal die/ stoffe betale(n) en(de) hem wijse(n) bynne(n) eend(er) ba(n)mijle(n) omgae(n)s/ Item es vorweerde dat de wy(n)ne de grechte(n) en(de) wat(er)leyd(en)/ vanden voirscr(even) goede(n) ruyme(n) en(de) vege(n) sal wel en(de) loflijc/ op zijne(n) cost Item mach de voirs(creven) wy(n)ne truncken ae(n)de/ voirscr(even) goede om die te vermakene en(de) berringe d(aer)af/ te hebben ende zijn berringe sal de wy(n)ne weselijck/ houwe(n) t(er) minster schade(n) It(em) wairt alsoe dat tvoirscr(even)/ hof e(n)nige corweyde(n) sculdich wae(r) te doene die soude/ de voirscr(even) wy(n)ne alle v(er)ware(n) op zijne(n) last en(de) den cleyne(n)/ chijs die tvoirscr(even) hof sculdich es sal de wy(n)ne jairlijx/beware(n) betale(n) den voirs(creven) t(er)mijn due(re)nde op zijne(n) cost It(em)/ es vorweerde soe wa(n)neer de voirscr(even) proeft oft yema(n)t/ van zijne(n) wege(n) int voirscr(even) hof compt datse de wy(n)ne/ dan ontfaen sal en(de) haren p(er)den hoy ende coren leveren
//
ende hen den montcost geve(n) alsoe hen toebehoirt/ op alsoe wairt tsake dat de voirscr(even) proeft oft zijn gesi(n)de/ yet buyte(n) deden hale(n) dat de wynne dair af gheenen/ last hebben en sal It(em) es vorweerde dat de voirscr(even)/ wynne de lande den voirscr(even) hove toebehoiren(de) zijne(n) t(er)mijn/ due(re)nde wel en(de) loflijck wynne(n) werve(n) mesten ende/ drive(n) sal op zijne getidege vore(n) gelijck zijnen/ reengenote(n) bove(n) ende beneden Item es vorweerde dat/ de voirscr(even) wy(n)ne sal late(n) besayt nege(n) boender lants/ te(n) ynde va(n) zijne(n) t(er)mijne met wynt(er)corne gelijck hijse/ vant tsijnder incompst en(de) op zijne getidege vore(n) It(em)/ tcore(n) vande(n) selve(n) ix boende(re)n lants int voirscr(even) leste jair/ sele(n) de voirscr(even) proeft en(de) de wy(n)ne te gelijcke doen/ dersschen en(de) alsoe nae deylen Mair allet stroo sal/ int voirscr(even) hof blive(n) en(de) mest d(aer)af gemaect worden/ behoudelijck den wy(n)ne zijn ette(n) met zijne(n) beeste(n) ende/ de voirscr(even) ix boende(re)n lants ligge(nde) acht(er) de schue(r) ende/ d(aer)omtrint Item es vorweerde dat de voirscr(even) wy(n)ne ghee(n)/ stroo v(er)copen noch ewech geve(n) en sal noch gheen and(er)/ lant wynne(n) noch werve(n) anders dan een half boend(er) lants/ dat hem selve(n) toebehoirt Item noch vorweerde dat de/ voirscr(even) wynne tsijne(n) afscheyde(n) alsoe vele voesteringhe(n)/ sal laten int voirscr(even) hof om de beesten mede uuyt te/ bringe(n) gelijck hij dat vant tsijnder incompst va(n) hoye/ en(de) stroo Item es vorweerde dat de voirscr(even) wy(n)ne/ de voirscr(even) lande wynne(n) en(de) w(er)ve(n) sal zijne(n) voirscr(even)/ t(er)mijn va(n) zesse jae(re)n op al uuyte zoe v(er)re hij den/ godshuyse wel betaelt Ende oft hij oick scheyden wilt/ dat hij dat sal moege(n) doen tsijne(n) derden jae(r) behalve(n)/ oft hij alsoe scheyden wilt dat hij den voirscr(even) proeft/ dat (½) jair te voe(re)n segge(n) sal Ende oick oft hij niet/ wel en betaelde oft de goede en wonne soe de
//
voirscr(even) proeft de voirs(creven) goede moege(n) ae(n)veerde(n) tsijne(n)/ derden jae(r) en(de) dat hijt oick den wynne (½) jaerer te/ vore(n) opsegge(n) sal Item wairt alsoe dat den voirscr(even)/ proeft vanden wynne oft zijne(n) wege(n) ende den wy(n)ne/ van sproefts oft zijne(n) wegen e(n)nige scade geschiedde/ van brande oft and(er)ssins aende voirscr(even) goede in wat/ manie(re)n dat geschiedde die sal den ande(re)n die schade/ oprichte(n) nae taxacie va(n) goeden lieden It(em) es vorweerde/ wairt alsoe dat de wy(n)ne inde voirscr(even) goede e(n)nighe/ scade hadde oft lede va(n) tempeeste oft gemeyne(n) orloghe soe/ sal de voirs(creven) wy(n)ne den voirscr(even) proeft cundige(n) die schade/ te ghempe oft yema(n)de va(n) zijne(n) wege(n) bynne(n) xv dage(n)/ nae dat geschiet sal zijn ende dan sal de proeft die/ schade sculdich zijn opte richte(n) nae dlantrecht en(de) anders/ niet Item es vorweerde dat de voirscr(even) wynne tvoirs(creven)/ hof noch land niet v(er)ande(re)n noch va(n) zijne(n) wege(n) uutgeve(n)/ en sal zonder consent vand(en) voirscr(even) proeft uuytgenomen/ den ossendriesch dien mach hij uuytgeve(n) op dat de(n) wy(n)ne/ gelieft Item wantmen den voirs(creven) wynne int innegae(n)/ va(n) zijne(n) voirscr(even) t(er)mijne gelev(er)t heeft twintich coeyen/ elke getaxeert op acht guld(en) te x st(uvers) iii pl(a)c(ken) voe(r) de(n) st(uver)/ soe es vorweerde dat de voirscr(even) wynne die den voirs(creven)/ proeft weder leve(re)n sal ten uuytgane vand(en) voirscr(even) t(er)mijne/ inder weerden voirscr(even) Ende wairt alsoe dat zij argher/ ware(n) dat sal de wynne den proeft oprichte(n) ende/ zijn zij oick beter dat sal de wy(n)n proeft den wy(n)ne/ betale(n) Item noch zijn de(n) voirscr(even) [wi(n)ne] gelev(er)t twee p(er)de/ weert zijnde tsame(n) xxvi g(ulden) tstuck te x st(uvers) iii pl(a)c(ken) p(er) st(uck)/ dewelke de voirs(creven) wy(n)ne tsijne(n) afscheyden den voirs(creven)/ wed(er)leve(re)n sal inder weerde(n) voirscr(even) Met cond(icien) oft/ zij arger oft beter zijn dat zij dat malcande(re)n oprichte(n)/ sulle(n) inder manie(r)en voirscr(even) Item want den voirscr(even) wy(n)ne
//
gelev(er)t es eene(n) wage(n) met lede(re)n ende coppele(n) weert/ zijnde tsame(n) vijf guld(en) en(de) i ort ten voirscr(even) p(ri)se/ Soe es vorweerde dat de voirscr(even) wynne tsijne(n) afsceyde(n)/ wed(er)om restitue(re)n en(de) ov(er)leve(re)n sal ten selve(n) prise ind(er)/ vuege(n) en(de) manie(re)n voirscr(even) oftse arge(r) oft bete(r) zijn datse/ dat malcande(re)n oprichte(n) selen Ende alle dese vorweerd(en)/ condicien (et)c(etera) Inde sunt fideiussores dicti coloni arnold(us)/ baerleman d(i)c(t)us de keve(re) co(m)mor(ans) apud vorst p(re)d(i)c(tu)m et/ joh(ann)es schuerma(n)s co(m)mor(ans) apud loe et p(ri)m(us) oppendorp/ hanckart junii xv