SAL7371, Akte: V°58.2-R°59.1 (121 van 734)
Akte V°58.2-R°59.1
Act
Datum: 1477-09-17
Transcriptie
2018-02-13 door Kristiaan MagnusAchtervolgen(de) tween brieve(n) vand(er) stad ter instan(cien) en(de) ernstige(n) vervolge/
dignen mercx weerdinne wout(er)s crauwels gescr(even) aen henricke/
rellemans hue(re)n man swag(er) die getrouwt heeft nae staet der heylig(er)/
kercken lijsbette(n) crauwels des voirs(creven) wout(er)s suster om subve(n)cie en(de) behulp/
te hebben van hem inde lasten van eene(n) kintschen cropelen jongen/
kinde vand(en) oude(r) van omtrent vi jae(re)n toebehoiren(de) wilen ja(n)ne crauwel/
brued(er) was als hij leefde des voirs(creven) wout(er)s en(de) lijsbette(n) dwelc/
een arm scamel weesken was en(de) niets niet en hadde op te/
leven en(de) alsoe gescapen wae(r) met allen te quiste te gane op dat/
hem sijn naeste vriende die dair inne van bloets en(de) naturen/
wege(n) gehoude(n) wae(re)n niet bij en stonden en(de) en succoersden Sijn op/
heden voir den rade vand(er) stad comen de selve digne en(de) henr(ic)/
ald(aer) de selve digne den rade opdede en(de) te kinne(n) gaf dit voirs(creven)/
stuck versueken(de) den voirs(creven) henr(icke) die als mo(m)boir zijns wijfs dies/
kints en(de) des lasts van dien soe nae was en(de) dair inne sculdich/
te contribue(re)n als zij alsoe onderwesen oft bedwonge(n) te wordden/
dat hij huer d(aer) inne te baten quame en(de) ter hant stonde soe dat/
behoirde op dat tselve kindeken met allen niet te quiste en ghinge/
Dair tege(n) de voirs(creven) henr(ic) he(m) verantwerden(de) en meynde dair inne
//
niet gehouden te zijne nae recht te voird(er) want hij selve zee(r)/ met sijns selfs kinde(re)n gelast was oec wae(r) d(aer) noch een suster te/ bruessel woenen(de) dies alsoe nae wae(r) en(de) soe wel en(de) bat gestaet/ als hij en(de) oic soe souden de vriende van skints moed(er) billicx d(aer) inne/ gelast sijn soe wel als hij met meer reden(en) bij he(m) d(aer) toe gealligeert/ bijden welcke(n) hij meynde van dien laste ongehouden te sijne D(aer)/ tege(n) de selve digne replice(re)nde seyde dat zij oec zee(r) belast wae(r)/ met huers selfs kinde(re)n en(de) was wel te vreden aengaen(de) den/ derdendeele van dien laste datmen dat vervolge opde suster te/ bruessel en(de) dat de voirs(creven) henr(ic) dand(er) derdendeel en(de) zij tderde derde(n)/ deel drage en(de) oftmen yeman(de) van smoeders vriend(en) conste bevi(n)den/ die hen d(aer) inne te baten comen moeste d(aer) wae(r) zij wael mede te/ vreden en(de) d(aer) en wilt zij niet buyten zijn want hen dat gelijckelijc/ te baten come(n) en(de) dienen soude Aldair uuterlijc geappointeert en(de)/ p(ar)tien geclaert is dat de voirs(creven) henric sculdich soude zijn te drage(n)/ den last vand(en) voirs(creven) kinde voir deen derdendeel en(de) oftmen e(n)nige/ vriende vonde vand(er) moeder zijden die d(aer) inne contribue(re)n moeste(n)/ en(de) te baten quame(n) dat hen dat te gelike d(aer) inne te baten en come(n)/ soude in (con)s(ili)[o] op(idi) septe(m)br(is) xvii
//
niet gehouden te zijne nae recht te voird(er) want hij selve zee(r)/ met sijns selfs kinde(re)n gelast was oec wae(r) d(aer) noch een suster te/ bruessel woenen(de) dies alsoe nae wae(r) en(de) soe wel en(de) bat gestaet/ als hij en(de) oic soe souden de vriende van skints moed(er) billicx d(aer) inne/ gelast sijn soe wel als hij met meer reden(en) bij he(m) d(aer) toe gealligeert/ bijden welcke(n) hij meynde van dien laste ongehouden te sijne D(aer)/ tege(n) de selve digne replice(re)nde seyde dat zij oec zee(r) belast wae(r)/ met huers selfs kinde(re)n en(de) was wel te vreden aengaen(de) den/ derdendeele van dien laste datmen dat vervolge opde suster te/ bruessel en(de) dat de voirs(creven) henr(ic) dand(er) derdendeel en(de) zij tderde derde(n)/ deel drage en(de) oftmen yeman(de) van smoeders vriend(en) conste bevi(n)den/ die hen d(aer) inne te baten comen moeste d(aer) wae(r) zij wael mede te/ vreden en(de) d(aer) en wilt zij niet buyten zijn want hen dat gelijckelijc/ te baten come(n) en(de) dienen soude Aldair uuterlijc geappointeert en(de)/ p(ar)tien geclaert is dat de voirs(creven) henric sculdich soude zijn te drage(n)/ den last vand(en) voirs(creven) kinde voir deen derdendeel en(de) oftmen e(n)nige/ vriende vonde vand(er) moeder zijden die d(aer) inne contribue(re)n moeste(n)/ en(de) te baten quame(n) dat hen dat te gelike d(aer) inne te baten en come(n)/ soude in (con)s(ili)[o] op(idi) septe(m)br(is) xvii
Nagekeken door: Karel Embrechts
Moderator: Karel Embrechts
Laatste update:: 2016-10-03 door kristiaan magnus