It(em) terselv(er) tijt compareerde int gerichte voe(r) de stat/ h(er) jan boels al(ia)s kempene(re) prieste(r) exhibe(re)nde eene/ p(ro)cu(r)acie hem van henr(icke) zijne(n) vader voir scep(enen) va(n) duffle/ gegeve(n) [h(ier) ond(er) gea(n)noteert] v(er)suekende de co(n)tu(m)acie desselfs henr(ix) zijns/ vad(er)s tege(n) den voirs(creven) henr(icke) van cuyct te purge(re)n/ allige(re)nde div(er)se reden(en) bijde welke(n) hij meynde dat sij(n)/ vader goede onschout hadde gehadt en(de) alsoe billike(n)/ niet geco(n)tu(m)acieert en soude zijn die de voirs(creven) henr(ic)/ van cuyct wed(er)leyde Ende ten uuyt(er)sten wert/ h(ier) op get(er)mineert bijd(er) stat rade soe v(er)re de voirscr(even)/ h(er) jan p(ro)cur(eur) dede blike(n) de(n) rechte genoech zijnde dat/ zijn vader ten dage va(n) rechte inde banck donschout/ van zijnder siecten bij c(er)tificacie(n) hadde gethoent dat/ hij d(aer)mede gestaen soude en(de) d(er) co(n)tu(m)acien ontlast/ zijn Desen niet tegenstaen(de) ginck hij des voire/ de wet wed(er)af en(de) p(rese)nteerde navolgen(de) der yerst(er) t(er)mi(n)acien/ bij medebetalinge(n) vand(en) coste(n) henr(ix) zijns vaders co(n)tu(m)acie/ te purge(re)n mette(n) p(ro)cur(eur) d(er) vors(creven) chartroise(n) eodem