It(em) want de voirs(creven) gielijs en(de) sijn wijf bekint hebben vanden/ voirs(creven) janne en(de) zijnen sone gehaven ende ontfange(n) te hebben/ de brieve d(aer) mede de selve jan en(de) sijn sone die goede/ voirmaels vercrege(n) hebben Ierst ii scepen(en) br(ieve) aen een hangen(de)/ besegelt bij scepen(en) des hertoge(n) van brab(ant) te leefdale terbeden/ van eyge(n)genote(n) van leefdale den eene(n) d(aer) mede claes/ vand(en) bossche gegoet wert bij janne faets inde yerste vie(r)/ boende(r) voirs(creven) vand(er) daet xiiii[c] lvi vi maii Den ande(re)n/ dair aen hangen(de) d(aer) mede jan fyen bijde(n) selven claese in die/ selve goede gegoet wert vander daet xiiii[c] lvi xxviii/ nove(m)br(is) It(em) i loeven(sche) quitan(cie) die joes van oerbeke als/ geleyt tot jans faets goede dede vand(en) selven goeden a(nn)[o]/ lvi octobr(is) xiiii It(em) i scepen(en) brief mer vrouwe(n) van/ merode dair mede mychiel fyen gegoet was van katlijne(n)/ helscheviers tochtersse wed(uwe) peters wile(n) ruelens en(de) hue(re)n kinde(re)n/ als erfliede int gedeelte vand(en) voirs(creven) hofstad metter schueren/ vand(er) daet m cccc liiii aug(usti) viii It(em) twee brieve besegelt/ metten segele der scepen(en) des hertogen van brab(ant) tot leefdale/ den eene(n) ter beden der laten sgodsh(uys) van hafflighem voirs(creven)
//
ende den ande(re)n ter beden der laten vand(en) cap(it)len van nyvele/ besegelt d(aer) mede jan fyen gegoet wert van woute(re)n ruelens/ lijsbette(n) ruelens anthonijse a(n)neman hue(re)n man en(de) henr(icke) ruelens/ kinde(re) pet(er)s wilen ruelens geheete(n) smolders inde helicht vand(en)/ nege(n) boende(re)n lants voirs(creven) in viii stucken gelege(n) beyde vand(er)/ daet m cccc lxi xvi in octobri It(em) en(de) noch eene(n) scepen(en) brief/ des hertoge(n) van brabant tot leefdale d(aer) mede jan ruelens/ en(de) lijsbeth ruelens approbeerden en(de) geloofden van weerden te/ houden allet gene dat adriaen peter ende g(er)truyt ruelens/ der selver jans ende lijsbette(n) wettige brueders en(de) suster gegoet/ hebben voir den meye(r) des godsh(uys) van hafflighem en(de) scepen(en)/ des jonch(e)r(e)n van merode en(de) vand(en) cap(it)len van s(in)[te] g(er)trude(n) van/ nyvele It(em) vand(en) hofstad metter schue(re)n d(aer) op staen(de) vand(er)/ daet m cccc lix ii in april Soe en selen de selve giel(is)/ noch zijn erve(n) oft nacomelinge(n) den selven janne en(de) mych(iel)/ noch hue(r) goede oft naecomel(ingen) mette(n) voirs(creven) brieve(n) en(de) gelofte(n)/ van waerscape(n) ende genoechdoen(e) niet moege(n) prame(n) zij/ en sulle(n) hen tyerst en(de) voir al de brieve voirs(creven) moete(n) te/ baten bringen om hen d(aer) mede voirts te behulpen d(aer) ende/ soe dat behoiren sal eisd(em)