Opde sake hangen(de) voir meye(r) ende scepen(en) van loeven(en) tussche(n)/ henr(icke) van cuyct aenlegge(r) ter eend(er) zijden ende her janne boels/ al(ia)s kempene(re) als p(ro)cur(eur) henr(ix) sijns vaders ter ande(re) uut saken/ van vijftich ryns guld(en) erflijc die de selve henr(ic) uut crachte/ van scepen(en) brieve(n) van loeven(en) meynde te hebben op div(er)se goede/ en(de) onderpande div(er)sen p(er)sone(n) toebehoe(re)nde namelijc op seve(n)/ boende(re)n bosch desselfs henr(ix) gelege(n) s(in)[t] katlijne(n) wavre ende/ besund(er) dair henr(ic) sustineerde dat voir al eer hij inde p(ri)ncipale/ materie van sijne(n) rinte(n) procede(re)n soude afgedaen soude worde(n)/ alsulcke(n) vordaghinge als opde selve goede wae(r) gedaen soe/ hij seyde boven dien ende zeder dat hij met des(er) stad versuec/ brieve(n) geweest hadde aen den offic(ie)r vand(er) plaetsen dair die/ goede wae(re)n gelege(n) ende aldaer versocht hadde leveringe te/ hebben der selver sijnd(er) onderpande hopen(de) dat dat sculdich/ wae(r) te geschien Dair tegen de voirs(creven) her jan hem verantwerden(de)/ dede seggen al mocht dat soe sijn dat doffic(ie)r e(n)nige versueke/ d(aer) af mocht hebbe(n) ontfange(n) soe en wae(r) janne verbeke die/ die verdaghinge hadde vervolcht en(de) doen doen die wete oft/ conde d(aer) af niet gedaen geweest Mair was waer dat/ henr(ic) die conde gedaen hadde geweest vand(en) voirs(creven) voerdaghinge(n)/ die nochtan d(aer) op niet en hadde geledt mair die laten/ geschien en(de) exhibeerde d(aer) de selve vordaghinge die soe men/ bevant met genechte(n) was vervolcht en(de) d(aer) henr(ic) van/ cuyc de conde hadde gedaen geweest ende alsoe hoepte/ hij vand(en) afdoen(e) der selver voirdaghinge(n) want sij bij hem/ noch zijne(n) vad(er) dair af hij p(ro)cur(eur) wae(r) niet en was gedaen/ ongehouden te sijne Dair tege(n) henr(ic) replice(re)nde dede seggen
//
dat hier aen goet te mercken wae(r) dat de voirs(creven) offic(ie)r versocht/ sijnde mett(er) voirs(creven) stad brieve(n) en(de) versueke(n) te volbringe(n) gesimuleert/ hadde in gunsten ende vordele vand(en) voirs(creven) henr(icke) kempene(re) en(de) ja(n)ne/ verbeke en(de) de execucie verhoude(n) tot dat de voirs(creven) vordaghinge/ was voldaen ende dat en const hem in zijne(n) rechte niet/ gep(re)judicie(re)n met meer reden(en) in wed(er)sijde gealligeert Es/ gewesen gelieft henr(ic) van cuyc int principale voirt te/ varen dat hij dat doen mach cor(am) scab(inis) in sca(m)p(n)[o] maii ult(ima)/ penult(ima)