SAL7372, Act: R°278.1-V°278.1 (588 of 844)
Search Act
previous | next
Act R°278.1-V°278.1  
Act
Date: 1479-03-11

Transcription

2020-07-20 by xavier delacourt
Eene deylinghe ende scheydinge gedaen en(de) gemaect/
zijnde tusschen henr(icke) vande(n) dale voir hem en(de) inde(n) name/
van zijne(n) kinde(re)n en(de) oick van zijnder docht(er) dochter ter eender/
ende yden va(n) grymde weduwe claus wile(n) va(n) wespelair gehete(n)/
meys voir huer en(de) inden name va(n) hue(re)n wettige(n) kinde(re)n ende/
oick hue(re)r docht(er) docht(er) ter ande(r) zijden vanden goeden en(de) rinten/
die hen gebleve(n) zijn en(de) v(er)storve(n) naede doot en(de) aflivich(eit) jans/
wile(n) van maelcote g(er)truyde(n) wile(n) vand(en) dale zijne(n) wive en(de) hae(re)n/
en(de) meest(er) laur(ijs) wile(n) va(n) maelcote zone d(er) selver wile(n) jans en(de)/
g(er)truyde(n) en(de) d(air)af de voirs(creven) p(er)sone(n) bijde(n) testame(n)ten der voirs(creven) ghuysse(n)/
en(de) huers zoens bove(n) div(er)se legate(n) erfgename(n) geinstitueert zij(n)/
te weten(e) de voirs(creven) henr(ick) en(de) zijn kinde(re)n voe(r) de tweedeele/
en(de) de voirs(creven) weduwe met hue(re)n kinde(re)n voir tderdel te deylen/
Soe zijn bleven ende gevallen den voirs(creven) henr(icke) sijne(n) kinde(re)n/
ende docht(er) dochter de goede en(de) rinte(n) hier nae volgen(de) Te/
weten(e) inden yerste(n) een dachmael lants gelege(n) te herent bove(n)/
de donckerstrate tusschen de goede der kinde(re)n willems wilen/
oliviers ende de goede der kercken van herent It(em) een half/
dach(mael) lants gelegen ald(air) bijden cleyne(n) roesselberch tusschen de goede/
roelof roelofs in twee zijden de goede arnts vander berct inde/
derde en(de) de goede henr(icx) vanden dale voirs(creven) inde vierde zijde(n)/
It(em) een half boender beemps gelegen te herent int he(re)ntenbroec/
tussche(n) de goede jans wilen lambrechts ende tvelt geheete(n)/
de lake vercrege(n) teghen arnde oliviers It(em) een boend(er) beemps/
gelege(n) ald(air) inde broecstrate tusschen de goede henricx de rijke/
en(de) de goede des voirs(creven) henr(icx) vand(en) dale op trecht dair/
voe(r) uutgaen(de) It(em) thien guld(en) rijders erflijc vallen(de) jaerlijcx/
half te kers(mes)s[e] en(de) half s(in)[t] jans(mes)s[e] aen ende op seke(re)/
goede en(de) pande meester thomaes van wynghe te holsbeke/
en(de) d(air) omtr(ent) geleg(en) It(em) seven guld(en) rijders erflijc vallen(de)/
jaerlijcx s(in)[t] jans(mes)s[e] op de ca(m)me mette(n) toebehoirte(n) geheeten/
steyne(n) huys gelegen te loeven(e) inde dorpstrate It(em) eene(n) guld(en)/
rijder erflijc vallen(de) jaerlijcx sesse dage in julio op een huys/
mette(n) toebehoirte(n) jans nouwens scrijnmakers gelege(n) ter?/
loeven(e) inde nyeustrate It(em) vijf guld(en) rijders erflijc vallende
//
alle jae(re) sesse dage in oeghst opde woeni(n)ge geheel met/
huysen hoven schue(re) en(de) allen den toebehoirte(n) wile(n) henr(icx)/
mette(n) ghelde nu den kinde(re)n meester diericx wile(n) bouts/
gelege(n) te loeven(e) inde minderbrued(er)strate It(em) twee/
nobelen vand(en) drie nobelen erflijc opde stad van vilvorde(n)/
vallen(de) jaerlijcx half opte(n) yersten dach van meye ende/
half opte(n) yersten dach van nove(m)bri dair af der voirs(creven)/
yden en(de) hue(re)n kinde(re)n den derden nobel in deylinge(n) is/
gevalle(n) It(em) twee crone(n) te vijfentwintich stuv(er)s tstuc erflijc/
vallen(de) jaerlijcx v dage in januar(io) aen en(de) op een huys/
met eend(er) porte(n) hove en(de) den toebehoirte(n) jans vand(en) borch/
gelege(n) te loeven(e) inde hoelstrate It(em) twee ryns guld(en)/
te twintich stuv(er)s tstuc erflijc vallen(de) alle jae(re) thien/
dage(n) in januar(io) aen ende op willem(me) pierart principael/
en(de) janne blankaert sijne(n) borghe It(em) sesse ryns guld(en)/
te twintich st(uvers) tstuc erflijc vallen(de) jaerlijcx xxi dage/
in meye aen ende op de stad van loeven(e) It(em) drie guld(en)/
ryns guld(en) erflijc vallen(de) jaerlijcx xix dage in nove(m)ber/
aen ende op jacoppe maes principael janne maes sijne(n)/
vader en(de) arnde vand(en) berghe sijne(n) borge It(em) anderhalve(n)/
ryns guld(en) te twintich st(uvers) den r(yns) guld(en) vallen(de) jaerlijcx xxiii/
dage in nove(m)bri aen ende op willem(me) pierart als principael/
ja(n)ne blanckaert en(de) meest(er) pete(re)n van sinte pet(er)s als sijne(n)/
borge(n) En(de) dese deylinge (et)c(etera) cor(am) roelants tybe m(ar)cii xi
ContributorsGreet Stevens
Moderated byGreet Stevens
Last update: 2016-09-20 by Xavier Delacourt