It(em) jan van breetsijp zone hen(rix) die tande(re)n tijde(n) nae staet/ der heyliger kerken getrouwet heeft gehadt lijsbette(n) wile(n)/ ve(re)ntruyden docht(er) wijlen henr(ix) en(de) lijsbeth vyts nu ter tijt/ huysv(rou)we des voirs(creven) jans t(er) eender ende jan en(de) wouter/ ve(re)ntruyden jan de clerck als man en(de) momboir ka(tli)[ne(n)] ve(re)ntrud(en)/ en(de) m(ar)griete(n) ve(re)ntruyden cu(m) tuto(r)e bruede(re)n en(de) suste(re)n der/ voirs(creven) wile(n) lijsbette(n) ve(re)ntruyde(n) inden name va(n) hen ende/ van wege(n) bertelmeeus ve(re)ntrud(en) hue(re)r beede brued(er)s absent zij(n)de/ die zij h(ier)toe v(er)vange(n) t(er) ande(r) zijden Sijn bij middele en(de)
//
onderwijse van hue(re)n vrienden v(er)accordeert en(de) eensworde(n)/ der pointen ende condicien h(ier)nae bescr(even) die zij deen den/ ande(re)n gelove(n) tonderhoud(en) voir hen hue(re)n erve(n) en(de) nacomel(ingen)/ tot eeuwige(n) dagen Inden yersten dat den voirs(creven) janne va(n)/ breetsijp en(de) lijsbetten vyts zijnder huysv(rou)we(n) ter stont volge(n)/ sulle(n) alle alsulke haeflike en(de) beruerlijke goede het zijn/ vliegen(de) erve oft ande(re) als de voirs(creven) wile(n) henr(ic) ve(re)ntruyden/ vader d(er) voirs(creven) kinde(re)n den voirs(creven) janne va(n) breetsijp met/ zijnder docht(er) in huwelike gaf desgelix alle andere/ haeflike goede die zij in hue(re)n huwelijck v(er)crege(n) moege(n)/ hebbe(n) desgelijx oick sulle(n) den selve(n) janne va(n) breetsijp en(de)/ zijnder huysv(rou)wen volgen en(de) toebehoiren voir hen hue(re)n/ erven en(de) nacomelinge(n) alsulke xxxii pl(a)c(ken) erfchijs als zij/ staen(de) hue(re)n huwelijck v(er)cregen hebben aen en(de) op zeke(re)/ goede gelegen te bethekem toebehoiren(de) woute(re)n brugma(n)s/ Ter ande(r) zijden es bevorw(er)t dat den voirscr(even) kinde(re)n he(n)r(ix)/ wilen ve(re)ntruyde(n) ombelet volgen sulle(n) en(de) ter stont alle/ alsulke erflijcke goede als de voirs(creven) wilen henr(ic) de vad(er)/ den voirs(creven) janne met lijsbetten ve(re)ntruyd(en) zijnder docht(er) in/ huwelijke gaf en(de) die zij staen(de) den huwelijck beseten/ hebbe(n) desgelijx sele(n) de voirs(creven) jan va(n) breetsijp en(de) zijn/ huysv(rou)we den voirs(creven) kinde(re)n k uuytreycken en(de) betale(n)/ tussche(n) dit en(de) tsinte m(er)tensmisse naestcomen(de) zesse hollan(sche)/ gulden(en) te xvi stuv(er)s tstuck iii pl(a)c(ken) pro st(ufero) eens coram/ roelants willemair maii viii