It(em) villicus lovanien(sis) median(tibus) scabinis lovanien(sibus) adduxit joh(ann)em/ de beert (com)moran(tem) supra biest ad om(n)ia et singula bona i(m)mo(bilia)/ et he(re)ditar(ia) arnoldi de mu(n)te(re) de mille infra lovaniu(m) et extra/ sit(a) in mans(ionibus) domib[(us)] curt(ibus) terris ar(abilibus) prat(is) pascuis silvis vineis/ censu trecensa redd(itibus) et suis p(er)tinen(tiis) univ(er)sis Pro certis/ recog(nitionibus) et p(ro)miss(ionibus) consc(ri)pt(is) in l(itte)ris scabinor(um) lovanien(sium) quar(um) tenor/ sequit(ur) in hec verba Cond zij allen lieden dat arnt de/ mu(n)te(re) van mille sone henricx wilen de mu(n)te(re) in jegewoirdich(eit)/ der scepen(en) van loeven(e) gestaen heeft genomen en(de) bekend/ dat hij genomen heeft van janne van beert thien boender/ en(de) drie dach(mael) lants ende een half boend(er) bosch oft d(air) omtrent/ desselfs jans gelege(n) te mille Te houden ende te hebben van/ halfmeye lestleden eene(n) t(er)mijn van tweelf jae(re)n lang deen/ nae dand(er) sonder middel volgende Elcx jaers dae(re)nbinne(n) voe(r)/ ende om tweelf mudd(en) rocx goets en(de) payabels der maten/ van loeven(e) tsinte andries(mess)[e] ap(oste)ls te betalen(e) ende te loeven(e)/ te leve(re)n den voirs(creven) janne alle jae(re) den voirs(creven) t(er)mijn due(re)nde en(de)/ telcken t(er)mijne als vervolgde schout Met vorweerden dat/ de voirs(creven) wynne tvoirs(creven) land binne(n) elken zesse jae(re)n wel en(de)/ loflijc overmesten sal ende dat altoes wynne(n) ende werven/ op vie(r) gedidege vo(r)en en(de) laten tsijne(n) afsceyden gelijc hijt/ vand tsijne(n) aencome(n) te weten(e) een boender dair af met/ rogghe besayt ende noch een block houden(de) omtrent twee/ boender oick met rogghe besayt Item vierthien dachmalen/ lants met zom(er)coren(e) ende dande(r) brake eens o(m)me gedaen/ En(de) hij en sal tselve land niet moege(n) hoervruchte(n) ten/ zij dat hijt nae der hoervrucht eens dair voe(r) loflijck/ overmest boven dmesten voirscr(even) Oick es hier inne/ bevorweert waert dat de voirscr(even) jan de voirs(creven) goede/ binne(n) den voirscr(even) t(er)mijne vercochte ten erfpachte uutgaene/ oft anderssins verthierde dat dan ten naesten halfmeye/ d(air)nae als de selve goede liggen salen inden aert ende
//
oick gewonne(n) alsoe de voirs(creven) wynne die vand tsijne(n) aencomen(e)/ de selve wynne zijn hande dair af doen sal en(de) die den coopman/ laten volge(n) niet wederstaen(de) den jaerschae(re)n voirscr(even) Behoudelijc/ oft de selve wynne aen de voirs(creven) lande yet meer gedaen hadde/ van mesten(e) mergelen oft anders dat men hem dat alsdan/ wederkee(re)n sal Item en sal de voirs(creven) wynne binne(n) den voirs(creven)/ t(er)mijne de voirscr(even) lande niet moegen yeman(de) anders te pachte/ uutgeve(n) sonder consent des voirs(creven) jans Voirt is hier inne/ bevorweert dat de voirs(creven) wynne tscaerhout vand(en) voirs(creven) bossche/ sal moege(n) houwen ten behoerliken tide en(de) anders niet En(de)/ alle dese vorweerde(n) ende geloften heeft gelooft de voirs(creven) arnd/ den voirs(creven) janne van beert te voldoen(e) ende te vernuegen tallen/ tiden en(de) t(er)mijne(n) als die vallen en(de) verschijne(n) selen Hier wae(re)n/ over lodewijc roelants en(de) jan mercels scepen(en) te loeven(e)/ gedaen int jaer ons hee(re)n duysent vierhondert en(de) achtentsestich/ opden twintichsten dach d(er) maent van junio Et h(ab)uit querelas/ hiis int(er)f(uerunt) tybe willemaer junii xxiii ante nona(m)