Vand(er) questien die voir den rade vander stad geweest heeft/ tussche(n) vrancke(n) moens stedehoude(r) srintm(eeste)rs va(n) loeven(e)/ te pellenberch en(de) den scepen(en) van pellenberch met arnde/ wiggher die mette(n) selven stedehoude(r) ende scepen(en) hadde doen/ dage(n) te pellenberch onder den ande(re)n op i(½) dach(mael) en(de) xx/ roeden lants gelege(n) ald(air) tusschen de goede gielijs de rode/ te twee zijden en(de) sheylichsgheestsbosch ter derder die welcke/ jan van berthem ald(air) besat bij tijtle va(n) guedinge(n) uut/ beleyde van scepen(en) br(ieve) van loeven(e) over lang gepasseert/ dair mede sijn vorders dair toe come(n) wae(re)n ter eender/ zijde(n) ende de voirs(creven) jan van berthem met sijne(n) adhe(re)nten/ die met hue(re)r voirs(creven) guedinge(n) tvoirs(creven) vervolch hadden doen/ afscrive(n) ende arnde voirs(creven) dach van rechte alhier inde/ banc voir meye(r) en(de) scepen(en) van loeven(e) doen bescheyden op/ in dissend(age) naestcomen(de) Ende voirt den selve(n) stedehoude(r)/ en(de) scepen(en) selve alhier doen bescrive(n) met den ii[ten] brieve
//
mits dat zij d(air)enboven noch zeder op de voirs(creven) goede ald(air)/ hadde(n) gevolcht gelijc op dande(re) en(de) den voirs(creven) ja(n)ne voirtgeroepe(n)/ zoe hij te kenne(n) gaf om d(air) af te cesse(re)n oft reden(en) alh(ier) op heden/ te allige(re)n wair o(m)me zij den voirs(creven) yersten versueke niet/ onderhorich en wae(re)n geweest ter ande(re) Aldaer gelesen/ wardden de voirs(creven) twee missiven en(de) de voirs(creven) stedehoude(r)/ en(de) scepen(en) met arnde meynden want de br(ieve) vand(en) pachte/ dair voe(r) men ald(air) daechde zee(re) out wae(re)n dat d(air) o(m)me dat/ vervolch ald(air) voirt soude moege(n) geschien niet tegenstaen(de) den/ scriven(e) vand(er) stad te contrarie(n) Oick en hadde sgelijcx niet/ meer soe zij seyden gesien geweest ten hadde behoort ten/ hofrechte met meer woorde(n) reden(en) d(air) toe bij he(n) geallig(eer)t/ ter contrarie(n) Tege(n) dwelc jan met sijne(n) medeplege(re)n/ sustineerde de co(n)trarie en meynde met dierste ke(n)nisse ten/ minste(n) en soude behoe(re)n en(de) bliven ter plaetsen d(air) sijn br(ieve) wae(re)n/ gepasseert te weten(e) voir meye(r) en(de) scepen(en) van loeven(e) met meer/ reden(en) in alle(n) zijden gealligeert Es duytsprake vand(er) stad/ dat de stedehoude(r) en(de) scepen(en) afdoen souden tvervolch gedaen op/ des voirs(creven) jans goede die hij gelijc vo(r)e houden(de) was en(de) cesseren/ en(de) he(m) verdrage(n) van meer d(air) op met rechte te volge(n) Ende/ woude arnt oft anders yemant reden(en) allige(re)n van dat die/ sake ter banck recht soude behoe(re)n en(de) gere(n)voyeert wordden/ dat hij dat doen mochte inde banc voir meye(r) ende scepen(en) / van loeven(e) en(de) dit selve wert he(m) bevolen tacht(er)volgen op/ de correctie vand(er) stad in (con)s(ili)[o] op(idi) aprilis xxiii