It(em) want de voirs(creven) goede int geheel gegouden hebben seven pet(er)s/ erflic dair aen de ii st(uvers) en(de) xvi mite(n) erflic dair uut gaen(de) en(de) noch/ xviii pet(er)s eens die de voirs(creven) wout(er) de punde(re) den vors(creven) janne van/ boxlair sculdich was gecort sijn zoe dat trest blijft de vors(creven) v pet(er)s/ xv st(uvers) xiiii gr(ooten) erflic Soe hebben de voirs(creven) wout(er) de punde(re) ende/ zijn wijf geconsenteert gewillecoert overgegev(en) en(de) gelooft voir hen/ en(de) hue(re)n nacomelinge(n) den vors(creven) woute(re)n maes en(de) sijne(n) nacomeling(en)/ want de selve wout(er) maes inde vors(creven) goede zoe diepe gericht was/ alse zij en(de) al tgene des d(air) af comen is oft comen sal alleene/ inder selver gehuysscen sculden bekeert sal wordde(n) dat de selve/ wouter maes nae sijnder moeder doot voir uut den goeden oft rinte(n)/ nae en(de) van hue(r) verschenen(de) soe vele trecken sal alse de selve seven/ pet(er)s erflijc myn twee st(uvers) xvi mite(n) erflic den pe(n)ninc achtien gedrag(en)/ moge(n) eer sij dair inne e(n)nichsins selen mogen deylen cor(am) eisd(em)