SAL7372, Act: V°291.1-R°292.1 (630 of 845)
Search Act
previous | next
Act V°291.1-R°292.1  
Act
Date: 1479-03-23

Transcription

2020-05-04 by xavier delacourt
Vander aenspraken die jouffr(ouwe) machtelt wed(uwe) vranx wile(n) py(n)nock/
gedaen heeft op he(re)n janne van hug(ar)den p(ri)este(r) seggen(de) dat de/
selve h(er) jan den voirscr(even) wile(n) vrancken hue(re)n man als clerck vand(en)/
g(roo)ten heyligengheeste en(de) ontfang(er) vand(er) rinten desselfs sculdich/
bleve(n) was vande(n) ja(r)en lxxiii en(de) lxxiiii elx jaers iiii s(cellingen) bon(e) en(de)/
iiii cap(uynen) die den selve(n) heyligengheeste hadde op zeke(re) goede/
die de selve h(er) jan besidt gelege(n) buyte(n) d(er) stat buyte(n) vesten tussce(n)/
de borchpoirte en(de) vlakepoirte vande(n) welke(n) men niet bevind(en)/
en soude alnoch e(n)nige betalinge geschiet te zijne v(er)sueken(de)/
alsoe want die ii ja(r)en gelijck vo(r)e ombetaelt uuytstonden/
bynne(n) den tijde en(de) ja(r)en voirscr(even) dat hue(r) voirs(creven) man dofficie/
vand(en) voirs(creven) clercscape bediende dat hue(r) die volgen mochte(n)/
aende pe(n)ni(n)ge onder de wet bijden voirs(creven) he(re)n janne gesedt/
d(air)mede hij geschut hadde tvervolch dat de p(ro)cur(eur) svoirs(creven)/
huers mans inden name vand(en) heyligengheeste begonne(n) hadde/
d(air)voe(r) te doene opde voirscr(even) onderpande want nae statuyte(n)/
d(air)op gemaect de selve heyligengheest niet en v(er)lette en(de)/
oick de coste(n) van dageme(n)te d(air)om gedaen hopen(de) dat hue(r)/
dat sculdich wa(r)e te geschien hue(r) des gedragen(de) totte(n) rechte/
dair tegen de selve h(er) jan hem v(er)antweerden(de) dede segge(n) dat/
hij dair af niet sculdich en wa(r)e mair hadde dien geg(even)/
eene(n) vand(en) onderclercken ende inhaelders die dien inne gehaelt/
hadden d(air)af hij de(n) p(er)soen ten nausten niet en wiste te noeme(n)/
en(de) alsoe hoept hij d(er) voirs(creven) aensprake(n) ongehoude(n) te zijne/
te voirde(r) want hij p(rese)nteerde zijne(n) eedt te doene dat hij die(n)/
hadde betaelt met meer woirden d(air)toe bij hem geallig(eer)t/
soe v(er)re dat scepen(en) van loven(e) gemae(n)t met hue(re)n vo(n)nisse/
beg(er)den d(air)op taenhoire(n) bij eede de clercke die te dien ii ja(r)en/
va(n) vranx wege(n) dontfanck gehadt en(de) de rinte(n) ingehaelt hebbe(n)/
dewelke tot iii oft iiii toe ov(er)hoirt genoech cleerden dat zij/
oft e(n)nige va(n) hen va(n) dien ii ja(r)en dinhale(n) vand(en) selve(n) chijse/
gehadt hadden en(de) gheen va(n) hen en hadde d(air)af betalinge/
gehadt Mair henr(ric) bate(n) die alst scheen vand(en) jae(r) va(n) lxxiii/
voirscr(even) dontfanck hadde gehadt exhibeerde een ontfancboexke(n)/
clarende dat hij d(air)bij bleef want d(air)bij genoech bleeck dat/
vande(n) ix ja(r)en die vrancke gedient hadde mair vii jaren/
betaelt en ware(n) alsoe datt(er) noch ii ja(r)en gebraken en(de) in reste/
stonde(n) Es gewijst bij scepen(en) va(n) loven(e) t(er) manisse(n) smeyers/
nae alt(er)cacie allegacie en(de) battacie van beyde(n) p(ar)tien dat der/
joffr(ouwen) voirs(creven) hue(re)n gheeysschen chijs met coste vand(en) dageme(n)te/
vo(r)e geblek(en) aende gesette pe(n)ni(n)ge volgen soude coram/
roelants langrode tybe willem(air) scab(inis) m(ar)cii xxiii
ContributorsGreet Stevens , Jos Jonckheer
Moderated byGreet Stevens
Last update: 2016-09-20 by Xavier Delacourt