Met vorweerde(n) oftmen uuten voirs(creven) goede(n) vonde meer oft min gaende/ dan voirs(creven) steet en(de) dat dat gedroege boven twee stuv(er)s erflijc dat/ dat min den vercoope(re)n den d(enier) xviii opgeleet soude werden en(de)/ dmeer soude den coope(r) oic den d(enier) xviii voldaen wordde(n) en(de) d(air) mede/ souden de gelovers vand(en) waerscap in dien gestaen der selv(er) waerscap/ in dien niet tegenstaen(de) It(em) en(de) alse vand(en) pachte van ii mudde cor(ens)/ die jan van winxele dair af en(de) van i(½) dach(mael) lants dat den voirs(creven)/ jacoppe toebehoort jaerl(ix) als wynne d(er) selver betaelt Es vorweerde/ dat de coope(r) dien pacht sint andriesmisse naestcomen(de) ende/ voirtane soe lange jans pechtinge duert inde stad vand(en) erve/ heffen sal en(de) jacoppe voirs(creven) d(air)af betalen sijn advenant vand(en)/ pachte voirg(eruert) nae advenant vander maten vand(en) land(en) dair/ dien af comt en(de) den pontpe(n)ninc van desen coope sal half en(de)/ half betaelt wordde(n) eisd(em)