Want h(er) anthonijs van hoechstrate(n) confesseur des goidshuys van/ sinte barbelen dale binnen thienen als geleit nae deser stat recht/ voir seke(re) geluften van genoechdoene en(de) warandeerscape bekint en(de)/ gelooft bij abeerde de mont tot allen den goeden have en(de) erve/ desselfs abeerts wair die geleg(en) zijn oft bevonde(n) mochte(n) wordde(n)/ hem oft wout(ere)n van boenenrode der stat bode in zijne(n) name met/ brieven vand(er) stat gescr(ev)en aenden meye(r) van linshain oft sijnen/ stedehoude(r) hadde doen leve(re)n alle de selve goede en(de) p(ar)tien te wete(n)/ den voirs(creven) abeerde dach van rechte doen bescheiden alh(ier) te (com)pare(re)n/ oft hij d(air) tege(n) yet hadde wille(n) allige(re)n welken dach op heden alse/ ten ge(con)tinueerde(n) en(de) verstreken(en) daige van rechte diende aldair de
//
zelve abeert noch nyema(n)t van zijnen weghen ge(com)pareert en is/ bruede(re)n arnde van luydic als [oic] p(ro)cur(eur) des voirs(creven) goidshuys trecht/ voort e(r)nstelic versueken(de) Soe hebben de scepen(en) van loven(e) t(er) maniss(en)/ smeyers nae dat hen behoirlic heeft gebleken bij rapporte des voirs(creven)/ wout(er)s van boenrode de voirs(creven) leve(r)inge en(de) dachbescheidinge gesciet/ te sijne geweesen voer een vo(n)nisse wair de voirs(creven) abeert nyet/ en quame ten opstaene smeyers en(de) van hen datmen den voirs(creven)/ p(ro)cur(eur) vand(en) voirs(creven) goede(n) houden souden inde macht van den voirs(creven)/ beleide zoe v(er)re dat noch voer scepen(en) come es cor(am) eisd(em)