SAL7373, Act: R°92.1-V°92.1 (231 of 786)
Search Act
previous | next
Act R°92.1-V°92.1  
Act
Date: 1479-10-23

Transcription

2019-05-10 by Greet Foblets
It(em) lodewijck gheloys sone wilen henr(ix) in p(rese)ncia heeft genome(n)/
en(de) bekint dat hij genome(n) heeft van janne blideleven/
als procur(eur) des godsh(uys) van tong(er)loe thoff ende de/
wynni(n)ghe des voirs(creven) godshuys geheete(n) thoff te gu(n)ninghe/
gelege(n) inde prochie van s(in)[t] peters vissenaken mette(n) huysen/
hove(n) wynnen(de) lande(n) en(de) beemde(n) den selve(n) godshuyse aldaer/
toebehoe(re)nde metter thiende(n) die tvoirs(creven) godsh(uys) ald(air) heeft gelijc/
en(de) alsoe verre jan wilen goessens [en(de) sijn wijf] die selve goede ende/
thienden voirtide(n) ende tot hertoe gehoude(n) hebben Te/
houden te hebben en(de) te wynnen van halfmerte lestleden/
eene(n) termijn van sesse jae(re)n lang deen nae dande(r) sonder/
middel vervolgen(de) Elcx jaers dae(re)nbinne(n) de voirs(creven) lande(n)/
en(de) thiende(n) om ende vore achtenveertich mudd(en) weyssincks/
goet en(de) payabel pacht van gu(n)ni(n)gen der mate(n) van thiene(n)/
te weten(e) vi halst(er) voir elc mudde gerekent en(de) noch om/
seve(n)thien gelike mudd(en) somercorens alsulcx als vander/
thiende(n) comen sal Ende de voirs(creven) beemde(n) om ende/
voe(r) sevenentwintich hollan(sche) guld(en) te sesthien stuv(er)s tstuck/
en(de) den stuv(er) te drie pl(a)c(ken) alle jae(re) s(in)[t] andriesmisse apo(ste)ls/
te betalen en(de) binne(n) den voirs(creven) hove te leve(re)n quol(ibet) ass(ecutu)[m]/
It(em) is vorweerde dat de voirs(creven) wynne alle chijsen en(de) laste(n)/
uute(n) voirs(creven) goeden en(de) thienden [gaende] jaerlijcx sonder afslach van/
des voirs(creven) is drage(n) en(de) betale(n) sal alsoe in tijts dat/
den voirs(creven) godshuyse noch den goeden desselfs d(air) bij gheene/
schade en geschiede It(em) sal de voirs(creven) wynne de voirs(creven) lande(n)/
jaerlijcx moete(n) wynne(n) werve(n) en(de) mesten wel en(de) loflijc/
den voirs(creven) t(er)mijn due(re)nde gelijc reengenote(n) boven en(de) beneden/
so en(de) en sal de selve lande noch gheene van dien moege(n)/
ontaerde(n) en(de) ten lesten jae(r) sal hij die late(n) soe hij die/
aenveerde en(de) den wynteraert sal hij late(n) besayt wel/
en(de) loflijc op vie(r) getidege vore(n) en(de) de stortte eens o(m)me/
gedaen It(em) sal de voirs(creven) wynne jaerl(ijcx) m(ijn) hee(re) den abt/
moete(n) doen met zijne(n) wagen(e) ende perden eene vaert/
en(de) corweye vand(en) voirs(creven) hove tot tongerloe als m(ijn) hee(re)/
gelieft It(em) is voirt vorweerde dat de voirs(creven) wynne/
de huysinge vand(en) voirs(creven) hove sal moete(n) houden wel/
en(de) custbaerlijck van wande en(de) van dad dake ende/
wat(er)vast sond(er) cost en(de) last m(ijns) hee(re)n d en(de) des godsh(uys)/
voirs(creven) behalve(n) oft aen de selve huysinge(n) e(n)nich gebreck
//
wa(r)e van nuwer rep(ar)acie(n) d(air) af sal de voirs(creven) wer wynne/
den wercliede(n) den montcost geve(n) en(de) m(ijn) hee(re) dabt sal de/
dachue(re)n betalen sond(er) den selve(n) wynne d(air) inne voirder/
gelast te zijne het en wa(r)e dat de selve wynne e(n)nige(n)/
walm oft stroe hadde dat hij dat dair toe geve(n) sal sond(er)/
dair af e(n)nigen afslach te hebben(e) It(em) is vorweerde dat/
de voirs(creven) wynne de strate(n) bodeme(n) en(de) grechte(n) den voirs(creven)/
goede(n) toebehoe(re)nde houde(n) vage(n) en(de) ruyme(n) wel en(de)/
loflijc sonder des godsh(uys) last It(em) waert dat sake dat/
inde(n) voirs(creven) hove e(n)nich ongeval geschiede bij des wynne(n)/
oft zijns gesints ocsuyne dat [d(air)af] sal de wynne den godsh(uys)/
de scade oprichte(n) It(em) sal de voirs(creven) wynne de voirs(creven) lande(n)/
en(de) beemde(n) jaerl(ijcx) moete(n) bevrede(n) ende begrechte(n) wel ende/
loflijc gelijc zijne(n) reengenote(n) en(de) die oic alsoe late(n) te sijne(n)/
afsceyde(n) It(em) sal de voirs(creven) wynne alle tstroe vand(en) voirs(creven)/
goeden en(de) thiende(n) comende te meste bekee(re)n ende dat/
opde voirs(creven) lande(n) vuere(n) en(de) nerge(re)ns elder en(de) alle tstroe en(de)/
mest sal hij ten leste(n) jae(r) int voirs(creven) hoff moete(n) laste laten/
It(em) sal de voirs(creven) wynne jaerlicx opde voirs(creven) goede setten/
ten meeste(n) proffijte vijfentwintich beclivender pote(n) ende/
de boome(n) truncken ten behoirliken tide en(de) de loeke dair af/
comen(de) sal hij aen de voirs(creven) goede verluyken En(de) alle dese/
vorweerde(n) condicie(n) en(de) gelofte(n) (et)c(etera) Inde sunt fideiuss(ores)/
coloni ind(ivisim) et t(am)q(uam) debit(ores) p(ri)ncipal(es) joh(ann)es et godf godefrid(us)/
f(rat)res d(i)c(t)i coloni ambo (com)mor(antes) apud binckem joh(ann)es corduwaen/
co(m)mor(ans) apud libbeke henr(icus) boedevast et andreas vand(en)/
broecke ambo (com)mor(antes) apud binckem p(re)d(i)c(tu)m Et p(ri)[(mus)] cor(am)/
rethemans berct octobr(is) xxiii
ContributorsGreet Stevens , Mi-Je Van Gils
Moderated byGreet Stevens
Last update: 2016-11-22 by Jos Jonckheer