Vanden gedinge dat inde banc voir meye(r) ende scepen(en) van loeven(e)/ geweest heeft tusschen willem(me) van haesdonck ter eenre zijden/ en(de) augustijne abbe ter ande(re) om diverse sculden en(de) gebreken/ die de voirs(creven) willem eysscen(de) was den voirs(creven) augustijne beyde/ uut crachte van scepen(en) brieve(n) van loeven(e) ende arschot beleide(n)/ ende costen dair uut gevolcht en(de) hem wille(m)me geled(en) en(de) ongebruke(n)/ die hem de voirs(creven) augustijn hadde gedaen aen de goede en(de)/ vruchte(n) dair op hij sijn rechtvorderinge hadde gedaen aende/goede ende vruchten des dien aencleeft dair voirmaels
//
gewesen is geweest dat wille(m) sijn gebreke(n) ende dair hij/ die op volgen woude in gescrifte stelle(n) en(de) ov(er)geve(n) soude en(de)/ seder ten naestvoirgaen(de) genechte gewesen wert dat wille(m)/ kuese hebben soude te volgen opden p(er)soen svoirs(creven) augustijns/ en(de) tvervolgch op augustijns goede metten arschotsche(n) beleyde/ gedaen af en(de) te nyeute doen oft zijne(n) p(er)soen te ontslaen(e) en(de) op/ zijn goede te volgen(e) dwelc he(m) best geliefde En(de) want hij gecosen/ heeft tvervolch opden p(er)soen svoirs(creven) augustijns Soe heeft hij/ op heden naevolgen(de) den voirs(creven) vo(n)nisse tvervolch op augustijns/ goede gedaen tarschot af en(de) te nyeute gedaen en(de) dat quijt/ gescouwe(n) En(de) want de voirs(creven) wille(m) onder den ande(re)n voirmaels/ geeyscht hadde den voirs(creven) aug(ustijne) iiii amen wijns uut saken/ vand(en) arschotsche(n) br(ieven) D(air) af hij nochtan he(m) genoech betaelt hadde/ gekint soe versocht de voirs(creven) augustijn d(air) af los en(de) quijt gewijst/ te worde(n) D(air) tege(n) willem niet allige(re)nde oft yet ter (contra)rien/ seggen(de) soe verre dat scepen(en) d(air) op gemaent gewijst hebben dat de/ voirs(creven) augustijn van dien iiii ame(n) wijns ongehouden soude zijn/ cor(am) scab(inis) in sca(m)p(n)[o] dempt(is) berthe(m) borch(oven) reth(eman) m(ar)cii xiiii