Item h(er) jan puttema(n)s p(ri)este(r) renu(n)c(ians) marck crauwels lodewijck/ vanden driessche en(de) symoen de briede(re) wonen(de) te pellenberch/ in p(rese)ncia hebben genome(n) en(de) bekint dat zij genome(n) hebben/ tegen he(re)n janne van langrode admi(ni)strateur des godshuys
//
van vlierbeke twelf boende(re)n lants luttel min oft meer den/ voirscr(even) godshuyse toebehoeren(de) alsoe die gelege(n) zij(n) inde p(ro)chie/ van pellenberch in div(er)sen stucke(n) en(de) plaetse(n) ald(air) gelijckerwijs jan/ wijlen coudenberchs gehoude(n) heeft Te houden te hebbe(n) en(de) te/ wynne(n) va(n) halfm(er)te lestleden eene(n) t(er)mijn va(n) xii ja(r)en lang/ vervolgen(de) deen nae dande(r) Elx jaers d(air)enbynne(n) om en(de) voe(r) de so(m)e/ van achtien mudden rox goet en(de) payabel mate(n) ende pacht/ van loven(e) met wa(n)ne en(de) vede(re)n wel bereyt alle ja(r)e ts(in)t andr(ies)/ misse apostels te betale(n) en(de) te loven(e) oft te vlierbeke d(air) m(ijn)/ he(re) dat gelieve(n) sal te leve(re)n quol(ibet) ass(ecutu)[m] It(em) sulle(n) de voirs(creven)/ wynne(n) de voirscr(even) lande jairlijx hue(re)n voirscr(even) t(er)mijn due(re)nde/ wynne(n) werve(n) en(de) meste(n) wel en(de) loflijck gelijck regengenote(n) bove(n)/ en(de) benede(n) en(de) die tsijne(n) [thue(re)n] afscheyde(n) late(n) te weten de vier/ boende(r) d(air)af besayt wel en(de) loflijck gelijck regeng(enoten) op vier/ getidege vo(r)en met rogge Vier boende(r) gestort eens/ o(m)megedae(n) gelijck reengenote(n) en(de) die leste vier leste boend(er)/ brake geheel It(em) voirts hebbe(n) geloeft de voirscr(even) wynnen/ malcande(re)n vande(n) vie(re)ndeele vand(en) voirs(creven) pachte scadeloes/ te ontheffen en(de) oft oick gebuerde dat e(n)nich van hen bij/ gebreke des anders e(n)nige coste(n) oft laste(n) hadden dat zij/ die opde(n) gebrekelijke(n) sulle(n) v(er)hale(n) Ende alle dese vorw(er)d(en)/ cor(am) berct moele(n) ap(ri)lis xii