It(em) de voirs(creven) h(er) jacop in p(rese)ncia heeft bekint verhuert te hebben/ den voirs(creven) twee p(er)sone(n) zijne(n) borge(n) dbroec van ezemale met sijne(n)/ toebehoirte(n) soe verre zij dat voirtijts alnoch van m(ijn) hee(re) gehoude(n)/ hebben en(de) alnoch van hem houden(de) sijn tot s(en)[t] m(er)tensmisse/ naestcomen(de) Te houden te hebben en(de) te gebruyken van s(en)[t]/ m(er)tens(mis)s[e] voirs(creven) voirtane noch eene(n) t(er)mijn van drie jae(re)n/ lang vervolgen(de) Elcx jaers d(air)enbinne(n) om en(de) voe(r) hondert/ en(de) twintich licht(er) guld(en) te thien stuv(er)s tstuc drie pl(a)c(ken) voir/ den stuv(er) jaerlicx s(en)[t] m(er)tens(mis)s[e] vallen(de) dierste payment dair af/ vallen(de) van s(en)[t] m(er)tensmisse naestcomen(de) over een jaer welcke/ weyhue(r) van drie jae(re)n de voirs(creven) wynne(n) jaerlijcx ond(er)houde(n)/ sullen en(de) hen d(air) mede lossen vand(en) voirs(creven) borchtocht/ op dats m(ijn) hee(re) selve niet af en quijt en(de) die lijfpen(sien) dair/ mede quite(n) en(de) trest d(air) van ove(re)nde m(ijn) voirs(creven) hee(re) overleve(re)n/ quol(ibet) ass(ecutu)[m] Met vorweerden oft de weye met tempeeste/ onwedere oft overlast van wate(r) verdroncke oft verghinge/ alsoe dat de voirs(creven) huerlinge d(air) af gheen redelic proffijt/ en hadde(n) dat den m(ijn) hee(re) hen dat verguetsen soude in/ hen hue(re)n t(er)mijn te verlinge(n) alsoe dat zij d(air) aen inne crige(n)/ mochten de selve hue(r) schade ter taxacie(n) van goeden mans/ hen des verstaen(de) Mair waert dat m(ijn) hee(re) dese lijfpen(sien) selve/ loste sonder sijnder borge(n) last van dan voirt en sonder dese/ hueringe gheen stad gripe(n) eis(dem)