It(em) jouffr(ouwe) katlijne horekens wed(uwe) jans wilen vand(en) hove heeft/ gekint en(de) gelijdt dat hue(re) meester jan drabbequier volcomen/ restitucie gedaen en(de) allessins geco(n)tenteert heeft va(n) allen alsulken/ pachten en(de) pe(n)ni(n)gen alse jacop roelofs natuerlijc sone huychs/ wilen roelofs voirmaels van wilen den voirs(creven) ja(n)ne vand(en) hove/ en(de) dair nae van hue(r) gehaven en(de) ontfangen heeft van seke(re)n/ lijfrinten van drie rijders tsjaers d(air)inne de voirs(creven) jan vanden/ hove en(de) gheram bote als p(ri)ncipale jan de hont en(de) lambrecht/ va(n) wynghe als hue(re) borgen v(er)obligeert en(de) verbonden zijn met/ scepen(en) brieve(n) van loeven(en) vander daet januar(ii) ulti(m)a a(n)no lxi/ ten live des voirs(creven) jacops en(de) zijnder moeder et sup(er)stit(is) tonrechte/ alsoe de selve jouffr(ouwe) meynt want zij zeder bevo(n)den heeft dat/ de voirs(creven) jacop d(air)inne gheen heffen en hadde al stont die op zijn/ lijf mair lodewijc roelofs steet int heffen van dien cor(am) hoelair thenis/ julii penult(ima)