SAL7375, Akte: R°29.5-V°29.1 (71 van 1099)
Akte R°29.5-V°29.1
Act
Datum: 1481-07-13
Transcriptie
2018-07-01 door Dieter TaillieuNae dien dat op heden bijden raide vander stad jan vander borch/
ter eender zijden als mo(m)boir vanden groote(n) gasthuyse te loeven(en)/
der stad bijbrachte va(n) wegen desselfs gasthuys hoe dat aldair/
aflivich es geweest in tijden voirleden eene geheete(n) beatrix vand(en)/
steenweeghe wettige weerdy(n)ne vrancx wilen de briede(re) welke/
gehuysschen achtergelaten hadden een huys en(de) hof met zijnder/
toebehoirten gelegen inde goutbortstrate opde biest v(er)cregen/
by(n)nen hue(re)n tijde nae tenue(r) va(n) eene(n) scepen(en) brieve die dair/
van gemaect was hopen(de) nae der ordinan(cie) by(n)nen den selven/
gasthuyse aldair onderhouden van ouden tijden vanden ghenen/
die aldair daghelijcx aflivich werden dat den selve(n) gasthuyse
//
de helicht volgen soude vanden selven goeden en(de) dat dat sculdich/ wae(re) te geschieden(e) dair tegen jan va(n) lille als procur(ator) lijsbetten/ sbrieders wettige dochter des voirs(creven) vrancx ter ande(r) zijden susti/ neerde dat tgheheel goet nae de tenue(r) vanden brieve(n) hem inden/ name als boven en(de) den ande(re)n erfgenamen des voirs(creven) vrancx/ van zijnder ierster huysvrouwen achter gebleven volgen soude want/ de guedinge dat begreep want alnoch o(n)vertiert stont en(de) me(n) niet/ bevi(n)den en soude dat de voirs(creven) vrancke hue(r) vader dair van gedisponeert/ hadde hopen(de) nae inhout vanden selven brieve die aldair gelesen/ wert dairmede vrancke voirs(creven) gegoet was dat jan vander borch als/ mo(m)boe(r) dair mede verdoolt was hem des gedragen(de) totter t(er)mi(n)acien/ vander stad es den selven p(ar)tien uutgesproken nae dien dat de wet/ opde sake gelet hadde en(de) den brief overhoirt dat ja(n)ne van/ lille als p(ro)cur(ator) tot behoef vanden erfgenamen tgeheel erve volge(n)/ sal en(de) hebben de erfgename(n) yet uutstaen(de) mette(n) selven/ gasthuyse va(n) e(n)nigen pe(n)ni(n)gen bij hen gehaven vanden selven/ goeden oft anderssins dat zij dair van met malcande(re)n ov(er)comen/ soe zij best sullen moegen in (con)silio opidi julii xiii
//
de helicht volgen soude vanden selven goeden en(de) dat dat sculdich/ wae(re) te geschieden(e) dair tegen jan va(n) lille als procur(ator) lijsbetten/ sbrieders wettige dochter des voirs(creven) vrancx ter ande(r) zijden susti/ neerde dat tgheheel goet nae de tenue(r) vanden brieve(n) hem inden/ name als boven en(de) den ande(re)n erfgenamen des voirs(creven) vrancx/ van zijnder ierster huysvrouwen achter gebleven volgen soude want/ de guedinge dat begreep want alnoch o(n)vertiert stont en(de) me(n) niet/ bevi(n)den en soude dat de voirs(creven) vrancke hue(r) vader dair van gedisponeert/ hadde hopen(de) nae inhout vanden selven brieve die aldair gelesen/ wert dairmede vrancke voirs(creven) gegoet was dat jan vander borch als/ mo(m)boe(r) dair mede verdoolt was hem des gedragen(de) totter t(er)mi(n)acien/ vander stad es den selven p(ar)tien uutgesproken nae dien dat de wet/ opde sake gelet hadde en(de) den brief overhoirt dat ja(n)ne van/ lille als p(ro)cur(ator) tot behoef vanden erfgenamen tgeheel erve volge(n)/ sal en(de) hebben de erfgename(n) yet uutstaen(de) mette(n) selven/ gasthuyse va(n) e(n)nigen pe(n)ni(n)gen bij hen gehaven vanden selven/ goeden oft anderssins dat zij dair van met malcande(re)n ov(er)comen/ soe zij best sullen moegen in (con)silio opidi julii xiii
Nagekeken door: Lieve Van Hoestenberghe , Jos Jonckheer
Moderator: Lieve Van Hoestenberghe
Laatste update:: 2017-01-25 door Xavier Delacourt