Opde questie die voe(r) den raide vander stad geweest heeft/ tusschen ja(n)ne va(n) buetsele inde dorpstrate en(de) joese pauwels/ ter eender en(de) arnde wigger ter ande(r) zijden aldair de selve ierste/ p(ar)tie dede seggen hoe al eest soe dat de selve arnt als hue(r)/ p(ro)cur(ator) voir vijf mudden corens erflijc die zij hadden op seke(re) div(er)se/ goede en(de) onderpande den voirs(creven) arnde en(de) meer ande(re)n div(er)sen p(er)sonen/ toebehoiren(de) e(n)nige der selver onderpanden uutgedaicht hadde soe/ en consten zij nochtan aen de goede die hij alsoe mits hue(re)r
//
procu(r)acien uutgewo(n)nen hadde niet geraken en conste oft oic tot/ hue(re)n v(er)letten en(de) ombetaelden pachten van dien wel van vii jae(re)n/ oft meer v(er)loepen niet gecomen wat v(er)volge zij d(air)o(m)me hadden/ gedaen en(de) hadde arndt de vrome(n) en(de) scaerhout vanden selven/ uutgewo(n)nen goeden getogen tot gheender ander meyni(n)gen hem/ des gemechticht en hadden dan om hem selven te verschoenen/ en(de) te behulpen en(de) op vuege dat zij jairlix van hem van hue(re)n voirs(creven)/ achterstellige pachten souden betaelt hebben geweest en(de) aldus v(er)sochte(n)/ zij uut(er)lijc dat de voirs(creven) arndt soe v(er)re onderwesen oft met/ rechte bedwongen wordde dat hij onder de wet brachte tot/ sgheens behoef die dair recht toe hadde de voirs(creven) p(ro)cu(r)acie en(de)/ uutdaichbrieve dair uut gedaen en(de) bij den selven arnde v(er)volcht/ hopen(de) dat dat alsoe behoirde hem des gedragen(de) totten rechte/ dair tegen de selve arndt hem v(er)antweerden(de) hoopte dat hij vand(en)/ selve(n) brieve(n) niet scheyden en soude noch derve(n) scheyden hem en/ wae(re)n voldaen alle alsulcken costen en(de) lasten alse hij uut saken va(n)/ dien hadde gedaen en(de) geleden in diversen manie(re)n die gedroegen/ soe hij seyde tot groot(er) so(m)men en(de) alse hem die opgeleecht soude(n)/ zijn soe soude hij doen des recht wesen soude dair tegen de voirs(creven)/ jan en(de) joes alt(ri)ce(re)nde seyden wae(re)n zij arnde yet sculdich zij moesten/ hem wel betalen en(de) dair op en conste hij niet onthouden die brieve/ dair inne zij gericht mochten zijn e(m)mer hij en soude die bringen/ naevolgen(de) hue(re)n v(er)sueke onder de wet en(de) totten rechte es/ uutgesproken dat de voirs(creven) arndt de p(ro)cu(r)acie voirs(creven) en(de) uutdage(n)/ d(air)uut gevolcht en(de) gedaen bringen sal onder de wet tot sgheens/ behoef recht dair toe hebben(de) en(de) dae(re)entynden recht en(de) alst vand(en)/ costen en(de) gebreken die arndt alligeert te hebben(e) uut saken/ van dien aen zijn wederp(ar)tie die sal hij in gescrifte overgeve(n)/ om die bij p(ar)tien wederleecht oft zijse wederleggen willen dair/ inne te geschieden(e) des recht wesen sal in co(n)silio opidi p(rese)ntib(us)/ tybe burg(imagistr)[o] roela(n)ts buetsele scab(inis) tymple hoeve(n) co(n)siliariis/ et cert(is) aliis de co(n)silio julii xviii